१ थेसलोनिकी 5:10 - परमेश्‍वरए ताँ तमु क्युइर

¹⁰ खी युबै त्हेर ङ्यो सिलेन् सोलेन् तोइ फरक आत, ङ्यो येशूने खोंयोंन् बिलै टिल् योंरिगे बिसि ङ्योए ल्हागिर ख्रीष्‍ट सिमिंइ।

१ थेसलोनिकी 5:10 ပူးပေါင်းရင်းမြစ်များ

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

यूहन्‍ना 10:11

“छ्याँबै प्ह्रोंछैं ङन् ग। छ्याँबै प्ह्रोंछैंजी ह्रोंसए क्युमैं जोगेबै ल्हागिरि ह्रोंसए ज्यु पिंम्।

यूहन्‍ना 10:15

“आबाजी ङलाइ ङो सेम्, ङज्यै या आबा ङो सेब् धोंले ङइ ह्रोंसए क्युमैं ङो सेम्। ङए क्युमैंज्यै या ङलाइ ङो सेम्। छतसि क्युमैं जोगेबै ल्हागिर ह्रोंसए ज्यु या पिम्।

यूहन्‍ना 10:17

“ङ धबै सोगों तसि खरिगे बिसि ङए ज्यु पिंम्। छतसि आबाजी ङने म्‍हाँया लम्।

यूहन्‍ना 15:13

ह्रोंसए थुमैंए ल्हागिर ह्रोंसै ज्यु पिंब् भन्दा थेबै म्हाँया अरू तोइ आरे।

रोमी 8:34

ख्रीष्‍ट येशून् चमैंए ल्हागिर सजैं नोसि सिमिंइ, दिलेया सिबइले परमेश्‍वरजी खीलाइ धबै सोगों लमिंइ। धै तिंजोरो ख्रीष्‍ट परमेश्‍वरए क्‍योलोउँइँ टिसि ङ्योए ल्हागिर परमेश्‍वरने यो छ्युँ लमिंसिन् मुँ। छतमा ङ्योलाइ खाबइ सजैं पिंल् खाँम्?

१ कोरिन्थी 15:3

तलेबिस्याँ ङइ योंबै ताँन् भन्दा थेबै सै ङइ क्‍हेमैंलाइ पिंइमुँ। च थेबै सै चुन् ग: परमेश्‍वरए छ्वेर प्‍ह्रिब् धोंले ङ्योए पाप त्होमिंबै ल्हागिर येशू ख्रीष्‍ट सिमिंइ।

२ कोरिन्थी 5:15

ङ्यो ह्रोंसए ल्हागिर छ्ह थोब आङिं, खीए ल्हागिर छ्ह थोरिगे बिसि येशू ख्रीष्‍ट ङ्योए ल्हागिर सिमिंसि धबै सोगों तइ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

१ थेसलोनिकी 4:13

ओ अलि-अङाँमैं, न्‍हरु च्‍हुइरिब्‍मैंए बारेर क्‍हेमैंइ था सेरिगे झाइले प्रभु येशूए फिर आशा आलब्‍मैंइ धोंले न्हुँ आलरिगे बिब ङिए सैं मुँ।

१ थेसलोनिकी 4:15

प्रभुजी बिबै ताँउँइँले ङिइ क्‍हेमैंने बिमुँ, ङ्यो प्रभु युबै त्हिंइ समा सोरिब्मैं खीए फिर बिश्‍वास लसि ओंसों सियाब्‍मैं भन्दा ओंसों ह्‍याल् आयों,

१ थेसलोनिकी 4:17

झाइले ङ्यो प्रभु येशू युबै त्हिंइ समा सोरिब्मैं मुर प्रभुने त्होबर चमैंनेन् न्‍हाँम्‍स्योने बालु क्वेबोब्मुँ। छले ङ्यो खोंयोंन् बिलै प्रभुनेन् टिब्मुँ।

१ थेसलोनिकी 5:6

छतसि अरूमैं धोंले ङ्यो न्‍हरु आच्‍हुइल्‍ले बरु न्ह क्रों मि क्रोंले टिले।

१ तिमोथी 2:6

खीजी ह्रोंसलाइन पिंसि क्रूसर पापए छे फोमिंसि म्‍हिमैं पापउँइँले फ्रेमिंइ, छले परमेश्‍वरजी ताँन् म्हिमैंइ खोंयोंइ आनुबै छ्ह योंरिगे बिबै प्रमाण ठिक त्हेर उँइँमिंइ।

२ तिमोथी 2:11

चु ताँनइ क्वेंल् त्हुबै ताँ ग: “ङ्यो खीने बालुन् सिइमुँ बिस्‍याँ खीने बालुन् सोगों तसि रेब्मुँ।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।