१ थेसलोनिकी 4:8 - परमेश्‍वरए ताँ तमु क्युइर

⁸ छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

१ थेसलोनिकी 4:8 ပူးပေါင်းရင်းမြစ်များ

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

हितोपदेश 1:7

बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 23:9

आमादुने ताँ आसेद्, तलेबिस्याँ क्हिइ पोंबै बुद्धिए ताँमैं चइ आखो।

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

यूहन्‍ना 12:48

ङलाइ आम्हाँदिब्मैं नेरो ङए ताँ आक्वेंब्मैंए ल्हागिर नियाधिश घ्रि मुँ। चु ह्‍युल नुयाबै त्हिंइर ङइ पोंबै ताँमैंइन चमैंए निसाफ लब्मुँ।

चेला चिब्मैंए केमैं 13:41

‘ओ बिल्‍लि लब्मैं! ङ्‍ह्‍योसि अचम्‍म म्हाँदिद् धै नास तयाद्, तलेबिस्याँ क्हेमैंए पलोर ङइ के घ्रि लरिमुँ। च केए बारेर खाबज्यै क्हेमैंने बिमिंलै या क्हेमैंइ खोंयोंइ क्वेंरिब् आरे।’”

रोमी 5:5

ङ्योइ थेंबै आशार ङ्यो सैं च्योंब तल् आपिं, तलेबिस्याँ परमेश्‍वरजी खीए पबित्र प्ल्ह ङ्योलाइ पिंइमुँ, छतसि परमेश्‍वरजी ङ्योए फिर बेल्‍ले म्हाँया लइमुँ बिसि पबित्र प्ल्हजी ङ्योए सैं न्‍होंर छेनाले सेल् पिंम्।

१ कोरिन्थी 2:10

चुन् क्होल् आखाँबै ताँमैं परमेश्‍वरजी खीए पबित्र प्ल्हउँइँले ङ्योलाइ क्होल् लमिंइ। तलेबिस्याँ पबित्र प्ल्हजी परमेश्‍वरए ताँन् सै म्हैमुँ, तिफुँइ क्होल् आखाँबै परमेश्‍वरए गैरु-गैरु ताँमैं या खीजी म्हैमुँ।

१ कोरिन्थी 7:40

दिलेया चइ ब्ह्‍या आलल्‍ले टिम् बिस्याँ झन् छ्याँब तम्। चु ङए सैंर्बै ताँ ग, ङने या परमेश्‍वरए प्ल्ह मुँ बिब ङइ मैंमुँ।

२ कोरिन्थी 1:22

खीजीन् ङ्योलाइ खीए म्‍हिमैं लबै ल्हागिर छाप झोंमिंसि बैनाए रुपर खीए पबित्र प्ल्ह ङ्योए सैंर पिंसि ङ्यो खीए म्हिमैं ग बिबै ताँ पक्‍का लमिंइ।

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।

२ पत्रुस 1:21

तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्‍हिमैंलाइ लोमिंसि चमैंइ परमेश्‍वरजी पोंन् बिबै ताँमैं पोंब् ग।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।

यहूदाइ प्‍ह्रिबै प्ह्रिछ्या 1:8

च धोंलेन् चु स्‍योलिबै ताँमैं लोमिंबै म्‍हिमैंज्‍यै या पाप लम्। फाक्‍कर्बै दर्शन म्रोंसि चुमैंइ ह्रोंसए ज्युलाइन पापर च्होवाम्। झाइले प्रभु येशूए हगलाइ तो धोंइ आङ्हाँ, धै थेबै मान योंबै स्‍वर्गदूतमैंलाइ स्यारसि छ्याब् ल्हैदिम्।