१ थेसलोनिकी 2:6 - परमेश्‍वरए ताँ तमु क्युइर

⁶ ख्रीष्‍टजी कुल्मिंबै चेला चिब्मैं तबइले ङिइ क्हेमैंने “च लद्, चु लद्,” बिल् खाँमल। दिलेया ङिइ ना क्‍हेमैंउँइँले, ना अरू म्‍हिमैंउँइँले, खाबउँइँले या ङिइ मान आम्‍हैल,

१ थेसलोनिकी 2:6 ပူးပေါင်းရင်းမြစ်များ

एस्तर 1:4

च त्हेर म्रुँइ ह्रोंसए दरबारर मुँबै सै न्होरमैं नेरो सै ल्हें फेब छ्याँ-छ्याँबै सैमैं प्रसे प्रेज्यु त्हिंइ (म्हैंन ट्हुल्) समा उँइँइ।

एस्तर 5:11

चमैं खबै लिउँइँ हामानइ ह्रोंसए सै न्होरमैं कति मुँ बिबै ताँ, च्ह-च्हमि कति मुँ बिबै ताँ नेरो के लब्मैंए न्होंर म्रुँइ चलाइ खैले ताँन् भन्दा थेबै पदर थेंमिंइ बिबै ताँ चमैंने बिइ।

हितोपदेश 25:27

क्वे खुदु ल्हें चब छ्याँब आङिं, छलेना ह्रोंसन मान म्हैब छ्याँब आत।

यूहन्‍ना 12:43

तलेबिस्याँ चमैंइ परमेश्‍वरउँइँले योंबै मान भन्दा म्हिमैंउँइँले योंबै मान खोमल।

यूहन्‍ना 5:41

“म्हिमैंइ ‘ङ थेब लरिगे’ बिसि ङ आमैं।

यूहन्‍ना 5:44

क्‍हेमैं न्होंरि घ्रि-घ्रिइ ह्रोंसलाइन थेब लरिगे ङ्हाँमुँ, दिलेया घ्रि मत्‍त्रे मुँबै परमेश्‍वरउँइँले योंबै मान आम्‍है। छ तसेरो क्‍हेमैंइ ङए फिर खैले बिश्‍वास लल् खाँमुँ?

यूहन्‍ना 7:18

ह्रोंसन् ह्रब् सेब् प्हैंसि पोंब्मैंइ ह्रोंसए मान म्हैम्, दिलेया खाबइ खी कुल्मिंबै परमेश्‍‍वरए मान म्हैमुँ, चन् क्ह्रोंसेंन्बै सैं प्ह्‍याबै म्हि ग। चइ तो ताँरै या स्योर आतेनाले क्ह्रोंसेंन्बै ताँ पोंम्।

१ कोरिन्थी 11:9

छलेन मुँयुँ च्हमिरिए ल्हागिर बनेब आङिं, च्हमिरि मुँयुँए ल्हागिर बनेब् ग।

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

गलाती 1:10

ङइ म्हिमैंउँइँले स्‍याबासि म्‍हैरिइमुँ उ परमेश्‍वरउँइँले स्‍याबासि म्‍हैरिइमुँ? ङइ म्‍हिमैंए सैं तोंन् लल् म्हैरिइमुँ वा? ङइ अझै म्‍हिमैंए सैं तोंन् लल् म्‍हैरिस्‍याँ ङ ख्रीष्‍टए सेवा लल् आखाँमल।

गलाती 5:26

ङ्यो तिफुँइ थेब् आप्‍हैंले, अरूलाइ ह्रिस खल् आलले, झाइले अरूमैंए फिर ह्रिस आलले।

गलाती 6:13

बिलन् त्हुमा च ज्युर चिनु लब्‍मैंज्‍यै या यहूदी ठिम आम्हाँदि। दिलेया क्‍हेमैंए ज्युर्बै चिनुए बारेर ह्रोंस थेब् प्‍हैंल् योंरिगे बिसि चमैंइ क्‍हेमैंलाइ ज्युर चिनु लल् त्‍हुम् बिसि कर ल्‍हैदिम्।

१ थेसलोनिकी 2:9

ओ अलि-अङाँमैं, परमेश्‍वरउँइँले खबै सैं तोंबै ताँ क्हेमैंने बिमिंमा क्‍हेमैंलाइ तोइ दुःख आतरिगे बिसि चब-थुँबए ल्हागिर ङिइ त्‍हिंयाँ म्‍हुँइँस ह्रोंसइन बेल्‍ले के लइ बिब क्‍हेमैंज्यै सेइमुँ।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।