१ थेसलोनिकी 2:18 - परमेश्‍वरए ताँ तमु क्युइर

¹⁸ ङि क्हेमैं ङाँर खल् म्हैल। ङ पावल ल्‍हें खे खबै सैं लइ, दिलेया दुष्‍टइ ङिलाइ खल् आपिं।

१ थेसलोनिकी 2:18 ပူးပေါင်းရင်းမြစ်များ

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

रोमी 1:13

ङए अलि-अङाँमैं, क्हेमैंइ चु ताँ सेरिगे बिब ङए सैं मुँ। ङइ अरू ह्रेंर्बै म्हिमैं बिश्‍वासर पखसि चमैंलाइ परमेश्‍वरए के छेनाले लल् खाँब्मैं लमिंइ। छलेन क्‍हेमैंलाज्यै बिश्‍वासर भोंब् लमिंसि परमेश्‍वरए के छेनाले लल् खाँब्मैं लमिंबै ल्हागिर क्हेमैं ङाँर ङ ल्हें खे खबै सैं लइ, दिलेया तो आङिं तो के पर्दिबइले तोगो समा खल् आयों।

रोमी 15:22

ल्हें खे ङ क्‍हेमैं ङाँर खबै सैं लइ, दिलेया खल् आयों।

१ कोरिन्थी 16:21

ह्रोंसए योइन ङ पावलइ क्हेमैंलाइ जय मसीह प्ह्रिरिइमुँ।

फिलिप्पी 4:16

ङ थेसलोनिका सहरर मुँमै या क्‍हेमैंइ तिब्‍ले मत्‍त्रे आङिं, ल्हें खे ङए खाँचोर ङलाइ ल्होइ।

कलस्सी 4:18

ङए योउँइँले ङइ चु ताँ प्‍ह्रिइमुँ: ङ पावलउँइँले जय मसीह मुँ। ङ झेलर च्युइमुँ आम्‍लेल्‍ले ङए ल्हागिर प्राथना लमिंन्। परमेश्‍वरए दयाम्हाँया क्‍हेमैंने तरिगे।

२ थेसलोनिकी 3:17

ङ पावलउँइँले जय मसीह मुँ। ङए ताँन् प्ह्रिछ्यार ङ चु ताँ ह्रोंसए योइन प्ह्रिसि चिनु लम्।

फिलेमोन 1:9

दिलेया ङइ क्हिलाइ बेल्‍ले म्हाँया लसि ङइ क्हिने ताँ मत्‍त्रे थेंब् ग। ङ खेब् तयाइमुँ, येशू ख्रीष्‍टउँइँले खबै सैं तोंबै ताँ बिप्रइ बिसि छाबै खेब् तयाबै म्हि या झेलर टिल् त्हुइमुँ।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।