१ थेसलोनिकी 2:16 - परमेश्‍वरए ताँ तमु क्युइर

¹⁶ अरू ह्रेंमैंइ या जोगेरिगे बिसि ङिइ सैं तोंबै ताँ बिबर होंमा चमैंइ ङि पोंल् आपिं। छ लमा चमैंइ लरिबै आछ्याँबै के झन् ल्हें लइमु। छ तसि तोगो परमेश्‍वरए ह्रिस चमैंए फिरि बल्‍ल युइमु।

१ थेसलोनिकी 2:16 ပူးပေါင်းရင်းမြစ်များ

उत्पत्ति 15:16

पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

मत्ती 12:45

छतमा च ह्‍यासि ह्रोंस् भन्दा दुष्‍ट मोंमैं ङि हुइसि पखम्। धै चमैं ताँन् न्‍होंर होंसि चर्न टिमुँ च्‍हौ तल् खाँबै लिउँइँ च म्‍हिए हालत ओंसोंबै भन्दा झन् आछ्याँब तम्। तिंजोरोबै दुष्‍ट के लबै म्‍हिमैंए हालत या छाबन् तब्‍मुँ।”

मत्ती 23:32

छतसि क्‍हेमैंए खेमैंइ लबै पापए के पूरा लद्।

मत्ती 24:14

झाइले स्‍वर्ग ग्याल्सर्बै सैं तोंबै ताँ ताँन् ह्‍युलर्बै ह्रेंमैंए ल्हागिरि ग्वाइ तरिगे बिसि बिमिंब्मुँ, च लिउँइँ चु ह्‍युल नास तयाब्मुँ।

मत्ती 24:6

लडे तइ बिब् नेरो लडे तबै हल्‍लामैं क्‍हेमैंइ थेब्मुँ। दिलेया क्‍हेमैं आङ्हिंन्, छाबै लडे तलन् त्‍हुम्। छान् तलेया च त्हेर्न ह्‍युल नास तरिब् आरे।

मत्ती 3:12

सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

मर्कूस 16:16

ङए फिर बिश्‍वास लसि बप्‍तिस्‍मा किंब्मैंइ मुक्‍ति योंब्‍मुँ, दिलेया बिश्‍वास आलब्‍मैं परमेश्‍वरए उँइँर छ्याब् मुँबन् ठर्दिब्‍मुँ।

चेला चिब्मैंए केमैं 13:45

छले च्हौ ल्हें म्हि खब् म्रोंसि बिश्‍वास आलबै यहूदीमैं बेल्‍ले ह्रिस खइ, धै पावलइ बिबै ताँ थोसि चलाइ आछ्याँन्ले स्यारइ।

चेला चिब्मैंए केमैं 13:50

दिलेया यहूदीमैंइ परमेश्‍वरलाइ म्हाँदिबै थेबै कुलर्बै च्हमिरिमैं नेरो च सहरर्बै चिब्मैं सुरिदिवामा चमैंइ पावल नेरो बारनाबासए बिरोध लसि चमैंलाइ खेंमैंए ह्‍युलउँइँले ल्हावाइ।

चेला चिब्मैंए केमैं 14:19

च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 14:2

दिलेया चमैंए ताँ आक्वेंबै यहूदीमैंइ बिस्याँ अरू ह्रेंमैं होंसिदिसि प्रभुए फिर बिश्‍वास लबै अलि-अङाँमैंए बिरोध लसि चमैंए सैं ककाँ क्युँक्युँ ङ्हाँन् लवाइ।

चेला चिब्मैंए केमैं 14:5

छतमा अरू ह्रेंमैं नेरो यहूदीमैं ङ्हिंना-ङ्हिंनइ खेंमैंए चिबनाँब्मैंने त्हुँसि पावल नेरो बारनाबास ह्रुगुदिब नेरो युँमाइ ल्हिबै मत लइ।

चेला चिब्मैंए केमैं 17:13

दिलेया थेसलोनिकार्बै यहूदीमैंइ “पावलइ परमेश्‍वरए ताँ बेरियारै या बिइ प्रइमुँ!” बिब् सेसि चमैं चरै या म्हिमैं उस्केबर फेखइ।

चेला चिब्मैंए केमैं 19:9

दिलेया को-कोइ सैं सारो लसि क्वेंल् आङिं। धै झन् मुक्‍ति योंबै घ्याँए बिरोध लसि ताँनए उँइँर चमैं पोंबर होंइ। छतमा पावल चमैंउँइँले फ्रेसि चेलामैं बोसि टुरान्‍नस बिबै स्कूलर म्हिमैंने छलफल लसि परमेश्‍वरए ताँ त्हिंइ ह्रोंसे लोमिंमल।

चेला चिब्मैंए केमैं 21:21

दिलेया चमैंइ क्हिए बारेर स्योलिबै ताँ थेइ। ‘मोशाइ पिंबै ठिम पिवाद्, धै कोलोमैंए ज्युर चिनु आलद्, यहूदी रोस आम्हाँदिद्,’ बिसि क्हिइ अरू ह्रेंमैंए म्हाँजोर टिबै यहूदीमैंलाइ लोमिंइँमुँ रो।

चेला चिब्मैंए केमैं 23:12

न्हाँगर मि म्रोंबै लिउँइँ यहूदीमैंइ खेंमैंए न्होंर मत फैसि “पावल आसैन् समन् ङि तोइ आच तोइ आथुँ,” बिबै कसम चइ।

चेला चिब्मैंए केमैं 24:9

अरू यहूदीमैंज्यै या सुँ घ्रिन तसि “चइ बिबै ताँ क्ह्रोंसेंन् ग!” बिइ।

चेला चिब्मैंए केमैं 25:2

चर ख्रो पिंबै खेगि चिब्मैं नेरो यहूदीमैंए न्होंर्बै क्रथे मिंथेमैंइ पावलए फिर छ्याब् ल्हैदिइ।

चेला चिब्मैंए केमैं 25:7

पावल फेखबै तोंदोंन् यरूशलेमउँइँले युबै यहूदीमैं चए कारग्युले रासि चए बिरोधर बेल्‍ले आछ्याँबै छ्याब्मैं ल्हैदिइ। दिलेया चमैंइ खेंमैंइ ल्हैदिबै छ्याब्मैंला तोइ प्रमाण पिंल् आखाँल।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

चेला चिब्मैंए केमैं 9:23

छतमा ल्‍हें त्हिंइ लिउँइँ यहूदीमैंइ चलाइ सैवाबै घ्याँ म्हैइ।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

गलाती 5:11

ओ अलि-अङाँमैं, “यहूदीमैंइ धोंलेन् क्हेमैंज्यै ज्युर चिनु लल् त्‍हुम्” बिसि तोगो समा ङइ बिप्रस्याँ ङए फिर च्हौ थेबै दुःख तले खइदि? छ बिस्याँम् “ख्रीष्‍ट क्रूसर च्योसि ङ्योए ल्हागिर सिब् ग” बिबै ताँर बिरोध आखमल।

एफिसी 3:13

छतसि ङ क्‍हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्‍हेमैं सैं च्योंब् आलद्, तलेबिस्याँ ङइ दुःख नोबइले क्‍हेमैंल फायदा तइमुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

१ थेसलोनिकी 1:10

झाइले स्वर्गउँइँले युबै परमेश्‍वरए च्‍ह खोंयों युब् ङ्‍हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।

२ थेसलोनिकी 2:10

धै नास तयाब्मैंने औदिबै स्योलिबै ताँमैं पोंब्मुँ। चमैं नास तयाब्मुँ तलेबिस्याँ चमैंइ क्ह्रोंसेंन्बै ताँ आक्वें धै छ्याँबै घ्याँरै या आप्र।

१ तिमोथी 2:4

तलेबिस्याँ ताँन् म्हिमैंइ मुक्‍ति योंरिगे धै चमैंइ क्ह्रोंसेंन्बै ताँ था सेरिगे बिब खीए सैं मुँ।

हिब्रू 6:8

दिलेया चइ पुजु नेरो क्ह्रुमैं म्‍लोइ बिस्याँ च तो केरै आफे, धै परमेश्‍वरउँइँले चइ सराप योंल् खाँम्। लिउँइँ च मिर ख्रोंवाम्।

दर्शन 22:11

आछ्याँबै के लब्मैंइ आछ्याँबै केन् लरिगे, छेरन् ङ्हाँबै केमैं लब्मैंइ छेरन् ङ्हाँबै केन् लरिगे। झाइले छ्याँबै केमैं लब्मैंइ छ्याँबै केमैंन् लरिगे, परमेश्‍वरलाइ म्हाँदिब्मैइ अझै परमेश्‍वरलाइ म्हाँदिरिगे।”