१ थेसलोनिकी 2:15 - परमेश्‍वरए ताँ तमु क्युइर

¹⁵ च यहूदीमैंइ प्रभु येशू ख्रीष्‍ट नेरो स्योंम्बै अगमबक्‍तामैं सैवाइ, धै ङिलाज्यै या ल्‍हें दुःख पिंसि ल्‍हावाइ। छले चमैंइ ताँन् म्हिमैंए बिरोध लसि परमेश्‍वरए सैं नल् लइमुँ।

१ थेसलोनिकी 2:15 ပူးပေါင်းရင်းမြစ်များ

एस्तर 3:8

झाइले हामानइ म्रुँ अहासूरसने बिइ, “क्हिए ग्याल्सर मुँबै ह्रेंमैंए म्हाँजोर छाबै ह्रें घ्रि मुँ, चमैंए रोस अरू म्हिमैंल् भन्दा स्योन् मुँ। चमैंइ म्रुँए कानुनमैं आम्हाँदि, छतसि म्रुँए ल्हागिर चमैं ठिक आरे।

भजनमैं 109:20

ङए फिर छ्याब् ल्हैदिब्मैं नेरो ङए बिरोधर आछ्याँबै ताँ पोंब्मैंलाइ याहवेहजी छाबन् इनाम पिंरिगे!

मत्ती 23:37

“ओ यरूशलेमथेंमैं, अगमबक्‍तामैं सैब्मैं, धै परमेश्‍वरजी कुल्मिंबै स्यार्बोमैं युँमाइ प्रिंब्मैं। नगा आमाइ प्हसेंमैं प्ह्‍या न्होंर हुब् धोंले ल्‍हें खे ङइ क्‍हेमैंलाइ हुल् म्‍हैइ, दिलेया क्‍हेमैं ङ ङाँर खोंयोंइ या खल् आङिं!

मत्ती 27:25

छबिमा चर्बै ताँन् म्हिमैंइ बिइ, “चुलाइ सैबै छ्याब् ङि नेरो ङिए सन्‍तानए फिर्न तरिगे।”

मत्ती 5:12

च त्हेर क्‍हेमैं बेल्‍‍ले सैं तोंन्, तलेबिस्याँ स्‍वर्गर क्‍हेमैंए इनाम थेब तब्मुँ। छलेन स्‍योंम्बै अगमबक्‍तामैंलाज्यै या म्‍हिमैंइ ह्रुगुदिल।

लूका 24:20

दिलेया ङ्योए खेगि चिब्मैं नेरो चिबनाँब्मैंइ सैबै सजैं पिंरिगे बिसि रोमी म्रुँए योर पिंवाइ। धै चमैंइ येशूलाइ क्रूसर च्‍योसि सैवाइ।

चेला चिब्मैंए केमैं 12:3

छलमा यहूदीमैं सैं तोंब् म्रोंसि चइ पत्रुसलाज्यै या क्हाइ। (चु ताँमैं प्लेढा आझोंबै क्हें चबै चाडर तल।)

चेला चिब्मैंए केमैं 2:23

दिलेया परमेश्‍वरजी ओंसोंन् चाँजो लसि येशूलाइ क्‍हेमैंए योर पिंवाँइ। धै दुष्‍ट म्हिमैंउँइँले क्हेमैंइ येशू क्रूसर च्योवासि सैवाइ।

चेला चिब्मैंए केमैं 3:15

झाइले म्‍हिमैंलाइ खोंयोंन् बिलै आखाँबै छ्ह पिंबै येशू क्‍हेमैंइ सैवाइ। दिलेया परमेश्‍वरजी खीलाइ सिबउँइँले धबै सोगों लमिंइ। चु ताँ ङिइ म्रोंइमुँ।

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 5:30

क्हेमैंइ यशूलाइ सिए क्रूसर च्योवासि सैवाइ। दिलेया ङ्योए खेंमैंए परमेश्‍वरजी येशू सिबउँइँले धबै सोगों लमिंइ।

चेला चिब्मैंए केमैं 7:52

ताँन् अगमबक्‍तामैंलाइ चमैंइ ह्रुगुदिल! खीए पबित्र के लबै म्हि युसिन् मुँ ओंसों बिबै म्हिमैंलाज्यै या चमैंइ सैवाल। तोगो च म्हि युज्यै या क्हेमैंइ चलाइ क्हाल् पिंसि सैवाइमुँ।

१ कोरिन्थी 10:5

दिलेया चमैं न्होंरि ल्हें म्हि म्रोंसि परमेश्‍वर सैं आतोंल, छतसि चमैं क्यु आयोंबै क्ल्ह्‍योर नास तयाइ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।