१ थेसलोनिकी 2:1 - परमेश्‍वरए ताँ तमु क्युइर

¹ ओ अलि-अङाँमैं, ङि क्‍हेमैं ङाँर खबै केर च्होइ बिब क्हेमैंइ सेइमुँ।

१ थेसलोनिकी 2:1 ပူးပေါင်းရင်းမြစ်များ

भजनमैं 127:1

याहवेहजीन् धिं आबनेस्याँ बनेब्मैंए के फाकर्न तम्। याहवेहजीन् सहर आरुँमिंस्याँ रुँब्मैंइ रुँब फाकर्न तम्।

भजनमैं 73:13

क्ह्रोंसेंन ङइ तोनतोर्न ह्रोंसए सैं छ्याँब् प्ह्‍याइमुँ, धै गल्ति आलइमुँ बिसि ङइ यो ख्रुइमुँ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 15:2

चु सैं तोंबै ताँ क्वेंसि क्हेमैं बिश्‍वासर भोंब् तस्याँ क्‍हेमैंइ मुक्‍ति योंम्। आस्‍याँ क्‍हेमैंइ फाक्‍कर्न बिश्‍वास लइ।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

२ कोरिन्थी 6:1

ङि परमेश्‍वरने बालु के लब्मैं तबइले क्‍हेमैंने यो छ्युँ लमुँ, क्‍हेमैंइ योंबै परमेश्‍वरए दयाम्हाँया छलेन् खेरो ह्‍याल् आपिंन्।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

गलाती 4:11

छतसि ङ न्हुँ खइमुँ! ङए सैंरम् क्‍हेमैंए ल्हागिर ङइ के लब फाक्‍कर्न तइ ङ्हाँइमुँ।

फिलिप्पी 2:16

क्‍हेमैंलाइ छ्ह पिंबै परमेश्‍वरए ताँ भोंन्ले क्हाथेंन्। छले क्हाथेंस्याँ येशू ख्रीष्‍ट युबै त्हिंइर ङइ क्हेमैंए ल्हागिर लबै दुःख छलेन् खेरो आह्‍याना बिसि ङए सैं तोंब्मुँ।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ थेसलोनिकी 3:5

छतमा ङए सैंइ ङलाइ सुखन् आपिं। धै “दुष्‍टइ क्‍हेमैंलाइ बिश्‍वासउँइँले स्योवासि ङिइ लबै दुःख खेरो ह्‍याम् उ?” बिब् ङ्हिंसि क्हेमैंए बिश्‍वास कति थेब् मुँन बिसि क्होबर ङइ तिमोथी कुल्‍मिंब् ग।

२ थेसलोनिकी 1:10

च त्हिंइर प्रभु येशूजी खीए म्‍हिमैंउँइँले थेबै मान योंबर नेरो बिश्‍वासीमैं ताँन प्लेटोयाल् लबर खी युब्‍मुँ। क्हेमैं या चमैं न्होंर तब्मुँ तलेबिस्याँ खीए बारेर ङिइ बिबै ताँ क्‍हेमैंइ क्वेंल।

२ थेसलोनिकी 3:1

ओ अलि-अङाँमैं, प्रभुउँइँले खबै सैं तोंबै ताँ क्हेमैंए म्हाँजोर तब् धोंले खन्तोंदोंन् बिप्रल् खाँरिगे धै म्हिमैंइ म्हाँदिरिगे बिसि ङिए ल्हागिरै या प्राथना लब्रें लद्।