१ पत्रुस 5:7 - परमेश्‍वरए ताँ तमु क्युइर

⁷ क्‍हेमैंए ताँन् न्हुँ परमेश्‍वरए प्हलेर थेंन्, तलेबिस्याँ खीजी क्‍हेमैंए वास्ता लम्।

१ पत्रुस 5:7 ပူးပေါင်းရင်းမြစ်များ

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

भजनमैं 37:5

ह्रोंसइ लल् म्हैबै तोन्दोंरि के याहवेहए योर्न थेंवाँन्, खीए फिर्न भर थेंन्, धै क्हिए ल्हागिर तो लल् त्हुमुँ खीजीन् लमिंब्मुँ।

भजनमैं 40:17

ङ बिस्याँ आयोंब् नेरो आख्युब मुँ, दिलेया प्रभुजी ङलाइ मैंम्। क्हिजी ङलाइ ल्होसि ताँन् दुःखउँइँले फ्रेमिंम्। ओ ङए परमेश्‍वर, युनन् यमिंन्।

भजनमैं 55:22

क्हिए दुःखए ताँमैं याहवेहने बिद्, धै खीजी क्हि ख्वेब्मुँ; खीजी ठिक के लब्मैंलाइ खोंयोंइ नास तल् पिंरिब् आरे।

हितोपदेश 16:3

क्हिइ लल् म्हैबै ताँन् केमैं याहवेहए योर थेंन्, धै क्हिइ लल् म्हैबै केमैं छ्याँब् तम्।

मत्ती 6:27

क्‍हेमैंए न्होंरि खाबइ न्हुँ लसि ह्रोंसए छ्ह च्‍हौदे या ह्रिंग्यो लल् खाँम्‍मा?

मत्ती 6:28

“झाइले तो खिब् ङ्‍हे बिसि क्‍हेमैं तले न्हुँ लमुँ? बारिर्बै टमैं ङ्‌ह्‍योत्ति! चमैं खैले फारम्। चमैंइ के आल, क्‍वें या आरो।

मत्ती 6:31

छतसि तो चब? तो थुँब? तो खिब? बिसि न्हुँ आलद्।

मर्कूस 4:38

येशू डुँङ्गाए लिउँइँ हार क्रेगुँ झोंसि न्‍हरु च्‍हुइरिल। छतमा चेलामैंइ येशूने “ओ चिब, ङ्यो सिबर होंइ क्‍हिजी तोइ न्हुँ आल वा?” बिदै छोरवाइ।

लूका 12:22

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।

लूका 12:26

क्‍हेमैंइ च्‍हौ च्‍योंबै के या लल् आखाँ बिस्‍याँ अरू सैर तले न्हुँ लमुँ?

यूहन्‍ना 10:13

च मुइ पिंसि थेंबै म्हि मत्‍त्रे ग, छतसि चइ क्युमैं छेनाले आङ्‌ह्‍यो।

फिलिप्पी 4:6

छतसि तोइ ताँरै या न्हुँ आलद्, बरु तो चैदिले या ताँन् सैए ल्हागिर परमेश्‍वरलाइ धन्यबाद पिंसि प्राथनार ह्रोंस चैदिबै सैमैं ह्रिद्।