१ पत्रुस 5:13 - परमेश्‍वरए ताँ तमु क्युइर

¹³ चु बेबिलोन सहरर्बै बिश्‍वासीमैं नेरो ङए च्ह मर्कूसज्यै क्‍हेमैंने जय मसीह बिमिंइमुँ। क्‍हेमैंलाइ धोंले चमैंलाज्यै या परमेश्‍वरजी त्‍हाँब् ग।

१ पत्रुस 5:13 ပူးပေါင်းရင်းမြစ်များ

भजनमैं 87:4

ङलाइ ङोसेबै ह्रेंमैं न्होंर ङ मिश्र नेरो बेबिलोनए बारेर बिमिंब्मुँ; धै पलिश्त, टुरोस नेरो कूश ह्‍युलर्बै म्हिमैंए बारेरै या “चु यरूशलेमर्न फिल!” बिसि ङ चमैं ङए म्हिमैं ठर्दिब्मुँ।

चेला चिब्मैंए केमैं 12:12

चु ताँ था सेसि पत्रुस मर्कूस बिबै यूहन्‍नाए आमा मरियमए धिंर ह्‍याइ। चर ह्‍यामा ल्हें म्हि खागु तसि प्राथना लरिल।

चेला चिब्मैंए केमैं 12:25

झाइले बारनाबास नेरो शाऊल ह्रोंसइ लल् त्हुबै के खाँसि यरूशलेमउँइँले एह्‍यामा मर्कूस बिबै यूहन्‍ना या चमैंने ह्‍याइ।

चेला चिब्मैंए केमैं 15:37

बारनाबासइ मर्कूस बिबै यूहन्‍ना खेंमैंने बालु बोबै सैं लइ।

चेला चिब्मैंए केमैं 15:39

च ताँइ लमा चमैं न्होंरि सैं ख्रेलेयासि चमैं फ्रेयाइ। धै बारनाबास मर्कूस किंसि मा ङ्युँइए क्याँ ततै साइप्रस बिबै टापूर ह्‍याइ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)

फिलेमोन 1:24

छलेन ङने बालु के लब्‍मैं मर्कूस, अरिस्‍तार्खस, डेमास नेरो लूकाज्यै या क्हिलाइ जय मसीह बिमिंइमुँ।

२ यूहन्‍ना 1:1

ङ बिश्‍वासीमैं न्होंर्बै एल्डरउँइँले परमेश्‍वरजी त्‍हाँबै आना नेरो क्‍हिए कोलोमैंने जय मसीह मुँ। ङइ क्‍हेमैंलाइ सैं न्होंउँइँलेन् म्हाँया लमुँ। ङइ मत्‍त्रे आङिं, क्ह्रोंसेंन्‍बै ताँ था सेबै ताँन् बिश्‍वासीमैंज्यै या क्‍हेमैंलाइ म्हाँया लम्,

२ यूहन्‍ना 1:13

परमेश्‍वरजी त्हाँबै क्‍हिए खोबै अङाँए कोलोमैंइ क्हिने जय मसीह बिमिंइमुँ।

दर्शन 17:5

च च्हमिरिए ङ्‌होर मिं घ्रि प्‍ह्रिल। च मिंए अर्थ “थेबै बेबिलोन सहर, अथवा पृथ्‍बीर्बै आछ्याँबै ब्यभिचार लबै ताँन् फ्यालुस्योमैं नेरो छेरन ङ्हाँबै के लबै ताँन् म्‍हिए आमा चुन् ग बिब् मुँल।”

दर्शन 18:2

चइ थेबै कै तेसि बिइ, “थुँयाइमुँ! थुँयाइमुँ! बेबिलोन बिबै थेबै सहर थुँयाइमुँ! चर स्यागि म्होंगिमैंइ प्लिंयाइमुँ, आछ्याँबै सैं प्ह्‍याबै प्ल्हमैंइ प्लिंइमुँ, धै से चल् आतबै नमेमैं नेरो से चल् आतबै खेदोमैं ताँन् चर मुँ।