१ पत्रुस 4:9 - परमेश्‍वरए ताँ तमु क्युइर

⁹ गनगन आलल्‍ले घ्रिइ घ्रिलाइ प्ह्रेंमैं धोंले मान लद्।

१ पत्रुस 4:9 ပူးပေါင်းရင်းမြစ်များ

उत्पत्ति 24:19

चलाइ क्यु पिंल् खाँबै लिउँइँ चइ बिइ, “ङइ क्यु खासि क्हिए सलुमैं या म्रेंनाले थुल् पिंम्।”

रोमी 12:13

बिश्‍वासीमैंए खाँचोर ल्होद्, ह्रोंसए धिंर खबै प्ह्रेंमैंलाइ बास पिंसि छेनाले चब् थुँब् पिंन्।

रोमी 16:23

ङ नेरो ताँन् बिश्‍वासीमैंलाइ मान लबै गायसज्यै या क्‍हेमैंलाइ जय मसीह मुँ बिमिंइमुँ। झाइले चु धिंर मुँबै बिश्‍वासीमैंइ क्‍हेमैंलाइ जय मसीह बिमिंइमुँ। छलेन चु सहरर्बै कोशाध्‍यक्ष इरास्‍तस नेरो ङ्योए अलि क्‍वार्टसज्‍यै या क्‍हेमैंलाइ जय मसीह बिमिंइमुँ।

२ कोरिन्थी 9:7

छतसि ताँन् म्हिमैंइ ह्रोंसइ कति पिंल् खाँमुँ च्हगन् पिंन्, आगुइ कर ल्हैदिसि सैं आतोंदै आपिंन्। तलेबिस्याँ सैं तोंदै भेटि पिंबै म्‍हि म्रोंसि परमेश्‍वर सैं तोंम्।

फिलिप्पी 2:14

तो के ललेया कचकच आलल्‍ले आप्‍होंनले लल् त्हुबै के लदै ह्‍याद्।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

तीतस 1:8

बरु प्‍ह्रेंमैं मान लब, अरूमैं छयाँब्-क्ह्‍युब् तरिगे ङ्हाँब, ह्रोंसलाइ अधीनर थेंल् खाँब, ताँनइ पदेवा, पबित्र, नेरो आछ्याँबै केमैं आल बिसि ह्रोंसए सैं फैल् खाँबै म्‍हि तल् त्‍हुम्।

फिलेमोन 1:14

दिलेया क्हिइ लद् आबिन् समा ङइ तोइ के या लदा आङ्हाँ, ङए ल्हागिर छ्याँब तबै केमैं आगुइ कर ल्हैदिसि आलदु, दिलेया ह्रोंसए सैंउँइँलेन् लल् त्हुम् ङ्हाँसि लद् बिब ङए सैं मुँ।

हिब्रू 13:16

घ्रिइ घ्रिने छ्याँबै के लब नेरो ह्रोंसने मुँबै सै फा-फु चुब आम्‍लेद्, तलेबिस्याँ छाबै ख्रोमैं म्रोंसि परमेश्‍वर सैं तोंम्।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।

याकूब 5:9

छतसि ओ अलि-अङाँमैं, परमेश्‍वरजी क्‍हेमैंलाइ सजैं आपिंरिगे बिसि खाबज्‍यै या घ्रिइ घ्रिए बारेर ताँ आलद्। निसाफ लबै परमेश्‍वर म्राग्याँर्न मुँ।