१ पत्रुस 4:12 - परमेश्‍वरए ताँ तमु क्युइर

¹² ओ ङइ खोबै थुमैं, क्‍हेमैंलाइ जाँज लबर थेबै दुःख क्‍हेमैं फिर तखमा आतबै के तखइ बिसि क्हेमैं अचम्‍मा आङ्हाँन्।

१ पत्रुस 4:12 ပူးပေါင်းရင်းမြစ်များ

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

१ कोरिन्थी 3:13

ख्रीष्‍टजी निसाफ लबै त्हिंइर ताँन् म्हिमैंइ लबै केमैं खीजी उँइँमिंब्मुँ। तलेबिस्याँ खीए ओंसों तोइ सै या लोल् आखाँ। म्हिमैंए के खैब मुँगे बिसि खीजी मिउँइँले जाँच लब्मुँ।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।

१ पत्रुस 4:4

तारे क्‍हेमैं खेंमैं प्रबै आछ्याँबै घ्‍याँर आप्रब् म्रोंसि चमैं प्लेटोयाम्, धै क्‍हेमैंए फिर आछ्याँबै ताँमैं लम्।

१ पत्रुस 5:9

छतसि क्‍हेमैं परमेश्‍वरए फिर भोंन्ले बिश्‍वास लसि च दुष्‍टए बिरोध लद्, तलेबिस्याँ ह्‍युलर्बै ताँन् बिश्‍वासी अलि अङाँमैंज्यै छाबन् दुःख योंरिइमुँ बिसि क्हेमैंइ सेइमुँ।