१ पत्रुस 3:20 - परमेश्‍वरए ताँ तमु क्युइर

²⁰ चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

१ पत्रुस 3:20 ပူးပေါင်းရင်းမြစ်များ

उत्पत्ति 6:13

छतसि परमेश्‍वरजी नोआने बिइ, “ङइ ताँन् म्हिमैं नास लवाबै सैं लल् खाँइमुँ। तलेबिस्याँ चमैंइ लबै आछ्याँबै केमैंइ पृथ्बी प्‍लिंइमुँ। छतसि ङइ चमैंलाइ पृथ्‍बीउँइँले नास लवाम्।

उत्पत्ति 6:3

छतमा याहवेहजी बिइ, “ङइ म्हिमैंलाइ खोंयोंन् बिलै सोल् पिंरिब् आरे, तलेबिस्याँ म्हि सिल् त्हुब्मुँ। तारेसेरो चमैं प्रसे ङ्हिस्यु बर्ष मत्‍त्रे सोब्‍मुँ।”

उत्पत्ति 6:5

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

उत्पत्ति 6:8

दिलेया नोआलाइ बिस्याँ याहवेहजी छ्याँब म्रोंइ।

उत्पत्ति 7:13

च त्हिंइर्न नोआ, चए प्ह्रेंस्यो, च्हमैं शेम, हाम, येपेत नेरो चमैंए प्ह्रेंस्योमैं सौंलो क्यु झाज न्होंर होंइ।

उत्पत्ति 8:1

दिलेया परमेश्‍वरजी नोआ नेरो चने बालु क्यु झाजर मुँबै ताँन् धिंर न्हबै खेदोमैं नेरो क्ह्‍योंर्बै खेदोमैं मैंसि पृथ्‍बीर खैं कुल्मिंइ। धै क्यु ङ्हारबर होंइ।

उत्पत्ति 8:18

झाइले नोआ, चए प्ह्रेंस्यो नेरो च्ह-चोंमैं झाजउँइँले त्होंइ।

मत्ती 7:14

खोंयोंइ आखाँबै छ्ह योंबै म्रा रुब तमुँ, चु घ्‍याँर प्रब बेल्‍ले गारो तमुँ, च्युगुदे म्हिमैंइ मत्‍त्रे चु खोंयोंइ आखाँबै छ्ह योंबै घ्‍याँ स्‍याम्!

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

चेला चिब्मैंए केमैं 2:41

झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

रोमी 9:22

छलेन परमेश्‍वरलै या ह्रोंसए ह्रिस नेरो शक्‍ति उँइँबै सैं मुँ। दिलेया ह्रिसर कुमालेइ भाँड कोचेब् धोंले कोचेल् त्हुबै म्‍हिमैं मुँलेया खीजी चमैंए आछ्याँबै केमैं सैदिसि टिइमुँ।

एफिसी 5:26

बिश्‍वासीमैंलाइ पबित्र लबर ख्रीष्‍टजी ह्रोंसए बचनउँइँले नेरो क्युइ ख्रुसि चोखो लमिंइ।

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,

१ पत्रुस 1:9

तलेबिस्‍याँ क्‍हेमैंइ परमेश्‍वरए फिर बिश्‍वास लबइले क्हेमैंइ मुक्‍ति योंइमुँ।

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 3:19

छले पबित्र प्ल्हए शक्‍तिर येशू म्‍हि प्‍ल्‍हमैंए नाँसर ह्‍याइ, धै चर च्युथेंबै प्‍ल्‍हमैंलाइ परमेश्‍वरए ताँ बिमिंइ।

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।

२ पत्रुस 2:5

छलेन ओंसोंबै पृथ्बीलाज्यै या परमेश्‍वरजी नास लवाइ, खीजी बिब् आङिंसि खैच्हिजी लप्रबै ताँन् म्हिमैंलाइ खीजी क्‍युइ म्‍यालवासि सैवाइ। दिलेया ठिक के लल् त्हुम् बिसि बिप्रबै म्हि नोआ मुँल। छतसि परमेश्‍वरजी नोआ नेरो अरू म्हि ङि जोगेमिंइ।

२ पत्रुस 3:15

झाइले ङ्योए प्रभुजी म्‍हिमैंए पापमैं सैदिमा ङ्यो जोगेबै मौका पिंइमुँ बिसि सैंर मैंन्। चु ताँ ङ्योए खोबै आघें पावलज्यै या परमेश्‍वरजी पिंबै बुद्धिजी चु ताँमैं खीए प्ह्रिछ्यार क्‍हेमैंए ल्हागिर प्ह्रिइमुँ।