१ पत्रुस 3:14 - परमेश्‍वरए ताँ तमु क्युइर

¹⁴ दिलेया ठिक के लसि दुःख योंनाबिलेया क्‍हेमैंइ आशिक योंब्मुँ। म्‍हिमैंइ तोन् बिलेया चमैं म्रोंसि आङ्हिंन्, न्हुँ आलद्।

१ पत्रुस 3:14 ပူးပေါင်းရင်းမြစ်များ

हितोपदेश 3:25

थाइ आसेल्‍ले दुःख खसि दुष्‍टमैं नास तमा क्हि आङ्हिंन्,

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

मत्ती 10:31

छतसि क्हेमैं आङ्हिंन्, परमेश्‍वरए उँइँरि ल्‍हें कोर्मे भन्दा क्‍हेमैं झन् बेल्‍ले थेब् मुँ।

मत्ती 10:39

खाबइ ह्रोंसए ज्यु जोगेल् म्‍हैमुँ, चए ज्यु नास तब्‍मुँ। दिलेया ङए चेला तसि ह्रोंसए ज्यु पिंब्मैंइ जीबन योंब्‍मुँ।”

मत्ती 16:25

तलेबिस्याँ ह्रोंसलाइ जोगेल् म्‍हैब्मैं नास तब्‍मुँ। दिलेया ङए ल्हागिर ह्रोंसए ज्यु पिब्मैंइ खोंयोंइ आखाँबै छ्ह योंब्‍मुँ।

मत्ती 19:29

ङए ल्हागिरि ह्रोंसए धिं, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो-न्‍हें वाथेंब्मैंइ च भन्दा प्र गुणा ल्हें योंब्‍मुँ। धै खोंयोंइ आखाँबै छ्ह योंबै हग या योंब्मुँ।

मर्कूस 10:29

येशूजी बिइ, “क्ह्रोंसेंन्ले ङ क्हेमैंने बिमुँ, ङए लिलि प्रबर नेरो ङउँइँले खबै सैं तोंबै ताँ बिप्रमा खाबइ ह्रोंसए धिं नाँ, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो-न्‍हें वाथेंमुँ,

मर्कूस 8:35

तलेबिस्याँ खाबइ ह्रोंसए ज्युए म्हाँया लमुँ, चइ खोंयोंइ आखाँबै छ्ह आयों, छलेन ङउँइँले खबै सैं तोंबै ताँ बिप्रमा ह्रोंसए ज्यु नास तयालेया चइ खोंयोंइ आखाँबै छ्ह योंब्मुँ।

यूहन्‍ना 14:1

“क्‍हेमैंए सैं खैता-खैता आङ्हाँन्। क्हेमैंइ परमेश्‍वरए फिर बिश्‍वास लमुँ, छलेन ङए फिरै या बिश्‍वास लद।

यूहन्‍ना 14:27

“ङए शान्ति क्हेमैंने पिंथेंब्मुँ। ङ ह्रोंसए शान्ति क्‍हेमैंलाइ पिंब्मुँ। चु ह्‍युलर्बै म्हिमैंइ पिंब् धोंबै शान्ति ङइ क्हेमैंलाइ आपिं। छतसि क्हेमैंए सैं खैता-खैता आतदु धै आङ्हिंन्।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

२ कोरिन्थी 12:10

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

फिलिप्पी 1:29

क्हेमैंइ ख्रीष्‍टए फिर बिश्‍वास लब मत्‍त्रे आङिं, खीए ल्हागिर दुःख नोसि खीए सेवा लबर दयाम्हाँया योंइमुँ।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।

१ पत्रुस 3:6

छलेन साराई खीए प्युँ अब्राहामइ बिब ङिंसि चलाइ क्ल्हे बिल। क्हेमैंइ छ्याँबै केमैं लदै तोइ सैनेया आङ्हिंइ बिस्याँ क्‍हेमैं या साराए च्हमिंमैं तब्मुँ।