१ पत्रुस 3:13 - परमेश्‍वरए ताँ तमु क्युइर

¹³ छ्याँबै सैंउँइँले क्‍हेमैंइ ठिक केमैं लम् बिस्‍याँ, क्‍हेमैंए न्होह्रों खाबइ लमुँ?

१ पत्रुस 3:13 ပူးပေါင်းရင်းမြစ်များ

भजनमैं 38:20

ङइ छेन् लना-लन् ङए न्होह्रों लब्मैंइ ङए बिरोधर आछ्याँबै ताँमैं पोंम्।

हितोपदेश 12:21

ठिक के लबै म्हिलाइ तोइ न्होह्रों आत, दिलेया दुष्‍ट म्हिमैंलाइ बिस्याँ ल्हें दुःख तम्।

हितोपदेश 15:9

दुष्‍ट म्हिमैंइ लबै के याहवेहजी आखो, दिलेया छ्याँबै के लब्मैंलाइ खीजी म्हाँया लम्।

हितोपदेश 16:7

क्हिइ याहवेहलाइ सैं तोंन् लस्याँ खीजी शत्तुरमैंलाज्यै या क्हिए थु लमिंब्मुँ।

रोमी 13:3

तलेबिस्याँ थेब-थेबै पद मुँब्मैं म्रोंसि ठिक के लब्‍मैं ङ्हिंल् आत्‍हु, दिलेया आछ्याँबै के लब्‍मैं बिस्याँ ङ्हिंल् त्‍हुम्। क्‍हेमैं सरकारने आङ्हिंल्‍ले टिदा ङ्हाँइमुँ वा? छ बिस्‍याँ ठिक के लद्, झाइले क्‍हेमैंइ सरकारउँइँले स्‍याबासि योंम्,

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।

१ कोरिन्थी 14:1

ताँन् भन्दा थेबै ताँ क्हेमैंइ ताँनए फिर म्हाँया लद्। झाइले पबित्र प्ल्हजी पिंबै बरदानमैं योंबै सैं लद्। चमैं न्होंरि अगमबाणि पोंबै बरदान योंबै भों लद्।

एफिसी 5:1

क्हेमैं परमेश्‍वरजी खोबै प्‍हसेमैं ग, छतसि क्‍हेमैं खी धोंन् तबै भों लद्।

१ थेसलोनिकी 5:15

खाबज्‍यै क्हेमैंए न्होह्रों लवालेया खि आफोद्, दिलेया बिश्‍वासीमैंए फिर नेरो अरू म्‍हिमैंए फिरै या छ्याँबै के लबै सैं मैंन्।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।