१ पत्रुस 2:7 - परमेश्‍वरए ताँ तमु क्युइर

⁷ छतसि क्हेमैं बिश्‍वास लब्मैंए ल्हागिर च युमाँ बेल्‍ले थेब सै लसे लल् आखाँब मुँ, दिलेया बिश्‍वास आलब्मैंए ल्हागिर बिस्याँ, “धिं बनेब्मैंइ केर आफे बिसि भ्योंवाबै युँमान् तेंर्बै क्र युँमा तइ।”

१ पत्रुस 2:7 ပူးပေါင်းရင်းမြစ်များ

मत्ती 21:42

येशूजी चमैंने बिइ, “परमेश्‍वरए छ्वेर प्‍ह्रिबै चु ताँ क्‍हेमैंइ आखेइमुँ वा? ‘धिं लब्‍मैंइ केर आफे बिसि भ्योंवाबै युँमान् धाँसे तेंर्बै क्र युँमा तइमुँ। चु परमेश्‍वरउँइँले तब् ग। ङ्योए उँइँर चु के आचम्‍मबै मुँ।’

लूका 2:32

चु कोलोन् अरू ह्रेंर्बै म्‍हिमैंलाइ क्‍हिए घ्‍याँ उँइँमिंबै चारबै ह्‍वे ग, छलेन क्हिए इस्राएली ह्रेंर्बै म्‍हिमैंए मिं थेब् लमिंबै चारबै ह्‍वे खीन् ग।”

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

लूका 20:17

येशूजी चमैं ङाँइ ङ्‍ह्‍योसि बिइ, “छ बिस्‍याँ छ्वेर प्‍ह्रिबै चु ताँए मतलब तो जा? ‘गारा झोंब्‍मैंइ केर आफे बिसि भ्योंवाबै युँमान् तेंर्बै क्र युँमा तइ?’

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

चेला चिब्मैंए केमैं 26:19

“छतसि, ओ अग्रिपास म्रुँ, स्‍वर्गउँइँले बिबै ताँ ङइ ङिंइ।

रोमी 10:21

दिलेया इस्राएलीमैंए बारेर खीजी बिइमुँ, “ङइ बिब् आङिंब्मैं नेरो ङए बिरोधर राबै म्हिमैंए ल्हागिर ङइ त्हिंइतिमिन् यो स्‍योंइ।”

रोमी 15:31

यहूदीयार्बै येशूए फिर बिश्‍वास आलब्‍मैंउँइँले परमेश्‍वरजी ङलाइ जोगेमिंरिगे, झाइले यरूशलेमर्बै परमेश्‍वरए म्‍हिमैंइ ङइ बोबै मुइ किंरिगे बिसि प्राथना लमिंन्।

२ कोरिन्थी 2:16

दिलेया नास तब्‍मैंए ल्हागिर ङ्यो सिनु थाँ नाँब् धों तम्। छतसि चमैं नर्गर फेनेम्। मुक्‍ति योंब्‍मैंए ल्हागिर ङ्यो लिंबै थाँ खबै धुप धोंन् तम्। छतसि चमैं स्वर्गर फेनेम्। च्हौ थेबै के खाबइ लल् खाँम्?

कलस्सी 2:10

क्हेमैं ख्रीष्‍ट येशूने घ्रिन् तबइले छ्हर योंल् त्हुबै ताँन् सैमै योंबै क्ल्ह्‍योर क्हेमैं फेखइमुँ। ताँन् शक्‍तिमैं नेरो ग्याल्समैंए फिर्बै थेब खीन् ग।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

हिब्रू 11:31

परमेश्‍वरजी बिबै ताँ आङिंबै यरिहो सहरर्बै म्हिमैंलाइ खीजी नास लमा बिश्‍वासउँइँलेन् फ्यालुस्यो राहाब नास आत, तलेबिस्याँ छैं लबर ह्‍याबै इस्राएलीमैंलाइ मान लसि चइ टिल् पिंल।

हिब्रू 4:11

छतसि परमेश्‍वरजी भों न्हल् पिंबै क्ल्ह्‍योर होंल् योंबै ल्हागिर ङ्योइ भों लले। स्योंम्बै म्हिमैं परमेश्‍वरजी बिबै ताँ आङिंसि भों न्हबै क्ल्ह्‍योर होंल् आयों छतमा ङ्यो या चमैं धोंब तल आत्हुरिगे।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,

१ पत्रुस 2:4

छतसि प्रभु येशू ङाँर ह्‍याद्। खी खोंयोंइ तरिबै पारा धों तब् ग। म्हिमैंइ खीलाइ आक्वेंसि तो धोंइ आङ्हाँलैया खी परमेश्‍वरजीन् त्हाँब नेरो योंसे योंल् आखाँब मुँ।

१ पत्रुस 2:8

अर्को क्ल्ह्‍योरै या छ बिइमुँ, “च युमाँ खीए फिर बिश्‍वास आलब्मैंलाइ थुरल् लबै युँमा धै प्हलेर्न कुरल् लबै युँमा ग।” तलेबिस्याँ चमैंइ परमेश्‍वरए छ्वेर्बै ताँमैं आक्वें। छतसि चमैं थुरम् धै नास तयाम्। चमैंए ल्हागिरि छान् तबर तोक्दिल।