१ पत्रुस 2:25 - परमेश्‍वरए ताँ तमु क्युइर

²⁵ क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 2:25 ပူးပေါင်းရင်းမြစ်များ

भजनमैं 119:176

म्हयाबै क्यु धों ङ तप्ररिइमुँ; ह्रोंसए केब्छैंलाइ म्हैदु, तलेबिस्याँ क्हिए ताँमैं ङइ आम्‍लेइमुँ।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

मत्ती 18:12

“क्‍हेमैंइ खै ङ्हाँमुँ? क्‍यु प्र मुँबै प्‍ह्रोंछैंइ क्‍यु घ्रि म्‍हयास्‍याँ चइ च कुच्युसे कु क्युमैं वाथेंसि च म्‍हयाबै क्‍यु घ्रि म्‍हैबर खन्तोंदोंन् आह्‍या रो वा?

मत्ती 9:36

छले प्रमा म्‍हिए हुल म्रोंसि येशूए सैंर ल्‍हयो खइ। तलेबिस्याँ चमैं प्‍ह्रोंछैं आरेबै क्‍युमैं धोंले आशा आयोंसि प्ररिब् म्रोंइ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

हिब्रू 5:2

चमैंए खेगि क्रथे ह्रोंसन् ल्‍हें सैर आह्रब् तमुँ, छतसि था आसेसि घ्याँ फ्लेइ प्ररिब्मैंलाइ चइ ल्‍हयो खम्।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।