१ पत्रुस 2:21 - परमेश्‍वरए ताँ तमु क्युइर

²¹ छाबै खालर्बै दुःख सैदिबै ल्हागिर्न खीजी क्‍हेमैंलाइ त्‍हाँब् ग। ख्रीष्‍टजी क्‍हेमैंए ल्हागिरि नमुना तसि थेबै दुःख सैदिइ, क्हेमैं खीए म्‍हैर्न प्रल् त्हुम्।

१ पत्रुस 2:21 ပူးပေါင်းရင်းမြစ်များ

भजनमैं 85:13

परमेश्‍वरजी लबै ठिक केमैं खीए ओंसों-ओंसों ह्‍याब्मुँ, धै खीए ल्हागिर घ्याँ तयार लब्मुँ।

मत्ती 10:38

खाबइ ह्रोंसए क्रूस नोसि ङए लिलि आल्‍हैदि च ङए म्‍हि तल् आखाँ।

मत्ती 11:29

ङए खर्गु नोद्, धै ङने बालु लोद्, तलेबिस्याँ ङ ताँनए फिर ल्हयो खम्, धै ङ थेब् आप्‍हैं। छतसि क्‍हेमैंए सैंर छिं ङ्हाँल् योंब्मुँ।

मत्ती 16:24

झाइले येशूजी खीए चेलामैंने बिइ, “ङए लिलि खदा ङ्हाँम्मैं, ह्रोंसए ज्यु म्हाँया आलल्‍ले दुःख नोसि ङए लिलि खल् त्‍हुम्।

लूका 24:26

परमेश्‍वरजी कुल्मिंबै जोगेमिंबै म्रुँ ख्रीष्‍टजी छाबै दुःख योंल् त्‍हुम्। झाइले ह्रोंसए मान योंबै कल्ह्‍योर ह्‍याल् आत्हु वा?”

यूहन्‍ना 13:15

तलेबिस्याँ ङइ लब् धोंले क्‍हेमैंज्यै या लरिगे बिसि ङइ उँइँमिंइँमुँ। छतसि क्हेमैंज्यै या छान् लद्।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

रोमी 8:29

तलेबिस्याँ खीए च्‍ह येशू ल्हें अलि-अङाँमैं न्‍होंर्बै च्ह थेब तरिगे बिसि खीजी ओंसोंन् ङो सेबै म्‍हिमैंलाइ ह्रोंसए च्‍ह-च्हमिमैं लबै ल्हागिर त्हाँइ।

१ कोरिन्थी 11:1

छतसि ख्रीष्‍टजी लब् धोंलेन् ङइ लइमुँ, क्‍हेमैंज्‍यै या ङइ लब् धोंलेन् लद्।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

फिलिप्पी 2:5

क्हेमैंए सैं येशू ख्रीष्‍टए सैं धों तब प्ह्‍याद्।

१ थेसलोनिकी 3:3

नाँसथेंमैंइ क्हेमैंलाइ दुःख पिंमा क्हेमैं खाबज्यै बिश्‍वास लब आपिरिगे बिसि तिमोथीइ क्हेमैंए बिश्‍वास भोंसि लबर लोदा सैंदा लरिगे बिसि ङिइ चलाइ क्‍हेमैं ङाँर कुल्‍मिंइमुँ। ङ्योइ चु दुःख सैदिल् त्‍हुम् बिसि क्हेमैंज्यै या सेइमुँ।

१ थेसलोनिकी 4:2

प्रभु येशूजी पिंबै हगउँइँले ङिइ लद् बिसि ल्हैदिबै ताँ क्‍हेमैंज्यै सेइमुँ।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।

हिब्रू 2:10

परमेश्‍वरजी खीउँइँलेन् ताँन् सै बनेइ बनेबै ताँन् सै खीए ल्हागिर्न बनेइ। चु बेल्‍ले छ्याँब मुँल। परमेश्‍वरजी ल्‍हें सन्तानमैं खीने बालुन् मान योंबै क्ल्ह्‍योर पखबै ल्हागिर चमैंए मुक्‍ति पिंबै येशूलाइ ल्‍हें दुःख नोल् पिंसि म्हिमैंए पाप त्होमिंइ।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ पत्रुस 3:9

अरूइ क्हेमैंए न्होह्रों ललेया क्हेमैंइ चमैंए न्होह्रों आलद्, अरूइ क्‍हेमैंए फिर गाल् केलेया क्हेमैंइ गाल् आकेद्। बरु आशिक पिंन्, तलेबिस्याँ क्‍हेमैंइ आशिक योंरिगे बिसि परमेश्‍वरजी क्‍हेमैंलाइ हुइब् ग।

१ पत्रुस 4:1

येशू ख्रीष्‍टजी खैले दुःख नोल, छलेन क्‍हेमैंज्‍यै या दुःख नोल् त्हुलेया नोम् बिबै सैं लद्। तलेबिस्याँ ज्युर दुःख नोबै म्हिमैंइ पाप लब पिवाम्।

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

१ यूहन्‍ना 2:6

“ङ परमेश्‍वरने क्ह्रिसि टिइमुँ” बिब्मैंइ येशू ख्रीष्‍टजी धोंलेन् छ्ह थोल् त्‍हुम्।

१ यूहन्‍ना 3:16

म्हाँया तो जा बिब ङ्योइ खैले सेइमुँ बिस्‍याँ ख्रीष्‍टजी ङ्योए फिर म्हाँया लसि ङ्योए ल्हागिर खीए सो पिंइ। छतसि ङ्योज्‍यै या ह्रोंसए बिश्‍वासी अलि-अङाँमैंए ल्हागिर ह्रोंसए सो पिंल् त्हुम्।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।