१ पत्रुस 2:17 - परमेश्‍वरए ताँ तमु क्युइर

¹⁷ ताँन् म्‍हिमैंलाइ मान लद्। येशूए फिर बिश्‍वास लबै अलि अङाँमैंलाइ म्हाँया लद्, परमेश्‍वरने ङ्हिंन्, धै म्रुँलाइ मान लद्।

१ पत्रुस 2:17 ပူးပေါင်းရင်းမြစ်များ

उत्पत्ति 20:11

अब्राहामइ बिइ, “तलेबिस्याँ चु क्ल्ह्‍योर परमेश्‍वरने ङ्हिंब खाबै आरे। छतसि म्हिमैंइ ङए प्ह्रेंस्यो छ्याँब् म्रोंसि ङलाइ सैवासि चलाइ बोवाम् उ? बिसि ङइ मैंल।

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

उत्पत्ति 42:18

सोंरो लिउँइँ योसेफइ चमैंने बिइ, “ङ परमेश्‍वरने ङ्हिंबै म्हि ग। छतसि क्हेमैंइ चु के लस्याँ क्हेमैं सोब्मुँ।

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

प्रस्थान 20:12

“ह्रोंसए आबा-आमाए मान लद्, छलस्याँ ङइ पिंबै ह्‍युलर क्हेमैं ह्रिंग्यो छ्ह योंब्मुँ।

हितोपदेश 1:7

बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 23:17

पापिमैं छ्याँब् तब् म्रोंसि क्हिइ ह्रिस आलद्, बरु त्हिंइतिमिन् याहवेहलाइ मान लरिद्।

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

मत्ती 22:21

चमैंइ खीने “चु कैसर म्रुँल् ग,” बिइ। येशूजी चमैंने बिइ, “छतसि कैसरलाइ पिंल् त्हुबै सै कैसरलाइन पिंन्, धै परमेश्‍वरलाइ पिंल् त्हुबै सै परमेश्‍वरलाइन पिंन्।”

यूहन्‍ना 13:35

छले क्हेमैंइ घ्रिइ-घ्रिने म्हाँया लइ बिस्याँ, क्हेमैं ङए चेलामैं मुँन बिसि ताँनइ सेब्मुँ।”

रोमी 12:10

ह्रोंसए तेमैंने धोंले घ्रिइ घ्रिने क्‍ह्रोंसेंन्‍बै म्हाँया लदु। अरूलाइ सैं न्होंउँइँले ओंनों मान लद्।

रोमी 13:7

छतसि क्हेमैंइ सरकारलाइ फोल् त्‍हुबै सैमैं ताँन् फोद्। धै मान लल् त्‍हुब्‍मैंलाइ मान लद्।

२ कोरिन्थी 7:1

ओ ङइ खोबै अलि-अङाँमैं, चु ताँन् बाछामैं ङ्योए ल्हागिर्न ग। छतसि ङ्योए ज्यु नेरो सैं पापर च्होवाबै सैमैंउँइँले ङ्यो स्‍यो तले। झाइले ङ्यो परमेश्‍वरने ङ्हिंसि खीए उँइँर ज्युर सैंर छ्याँब् ततै ह्‍याले।

एफिसी 5:21

ख्रीष्‍टलाइ म्हाँदिबइले क्‍हेमैं ताँन् घ्रि घ्रिए न्होंर टिल् त्‍हुम्।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

१ तिमोथी 6:1

परमेश्‍वरए मिं नेरो ङ्योइ लोमिंबै ताँमैंल अरूइ ताँ सेन् आछेरिगे बिसि केब्छैं केब्स्योमैंइ ह्रोंसए क्ल्हेए मान छेनाले लरिगे।

हिब्रू 13:1

क्हेमैं घ्रिइ-घ्रिने ह्रोंसए अलिने धोंलेन् म्हाँया लरिद्।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,

१ पत्रुस 2:13

छतसि प्रभुए मिं आह्‍यारिगे बिसि म्हिमैंइ थेंबै शासकमैं नेरो म्रुँए न्होंर टिद्।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”