१ पत्रुस 2:10 - परमेश्‍वरए ताँ तमु क्युइर

¹⁰ ओंसों क्‍हेमैं परमेश्‍वरए म्हिमैं आतल, दिलेया तिंजोरो क्हेमैं खीए म्हिमैं तइमुँ। ओंसों क्हेमैंइ परमेश्‍वरए म्हाँया आयोंल, दिलेया तिंजोरो क्‍हेमैंइ परमेश्‍वरए म्हाँया योंइमुँ।

१ पत्रुस 2:10 ပူးပေါင်းရင်းမြစ်များ

रोमी 10:19

छतसि ङ चु ताँ धबै ङ्योएम्: यहूदीमैंइ चु सैं तोंबै ताँ आक्हो वा? क्होबमि क्होइ दिलेया आक्‍वें। ओंसों परमेश्‍वरजी मोशाउँइँले यहूदीमैंने छ बिल, “ङलाइ ङो आसेबै म्हिमैंउँइँलेन् ङइ क्‍हेमैंलाइ चमैंए फिर ह्रिस लब्मैं तल् पिंब्मुँ, तोइ आह्र आसेबै म्‍हिमैंउँइँलेन् ङइ क्‍हेमैंए त्होंदो राल् पिंब्‍मुँ।”

रोमी 11:30

स्‍योंम क्‍हेमैं अरू ह्रेंर्बै म्‍हिमैंइ परमेश्‍वरए ताँ आक्वेंमल, दिलेया यहूदीमैंइ परमेश्‍वरजी बिब् आङिंबइले क्‍हेमैंइ परमेश्‍वरए ल्हयो योंबै मौका योंइमुँ।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।