१ पत्रुस 1:18 - परमेश्‍वरए ताँ तमु क्युइर

¹⁸ क्‍हेमैंए खेमैंउँइँले खबै स्योलिबै रोसउँइँले क्‍हेमैंलाइ फ्रेमिंबर तो सै फोसि क्हेमैंलाइ खामिंइमुँ बिसि क्हेमैंइ सेइमुँ। मारा चाँदि धोंबै नास तबै सैमैंउँइँले आङिं,

१ पत्रुस 1:18 ပူးပေါင်းရင်းမြစ်များ

भजनमैं 39:6

म्हिमैं छरि धोंलेन् म्हयाम्। म्हिमैंइ फाक्‍कर्बै केमैं लप्ररिम्! चइ ल्हें सै न्होर खागु लमुँ दिलेया च खाबल् तनेमुँ चइ आसे!

भजनमैं 62:10

धुदिबै केर भर आतद् धै ह्‍योबै सैर थेब् आप्हैंन्; क्हिए सै न्होर ल्हें तलेया चए फिर भर आथेंन्।

मर्कूस 8:37

म्हिइ धबै खोंयोंइ आखाँबै छह् योंबै ल्हागिर तो पिंल् खाँमुँ?

रोमी 1:21

चमैंइ परमेश्‍वरलाइ ङो सेनाबिलेया परमेश्‍वरलाइ लल् त्‍हुबै मान आल। धै चमैंइ खोंयोंइ परमेश्‍वरलाइ धन्‍यबाद आपिं, उल्‍टो चमैं ह्रोंसए सैंर तो मैंमुँ चन् लसि केर आफेब् तयाइ, छतमा चमैंए बुद्धि आरेबै खोक्रो सैं मिछु तयाइ।

१ कोरिन्थी 3:20

धबै परमेश्‍वरए छ्वेर चु या प्ह्रिइमुँ, “बुद्धि मुँब्मैंइ मैंबै ताँमैं या केर आफेबन् तम् बिसि परमेश्‍वरजी सेम्।”

१ कोरिन्थी 6:20

तलेबिस्याँ खीजी क्‍हेमैं सै फोसि किंब् ग। छतसि ह्रोंसए ज्युज्यै या क्हेमैंइ परमेश्‍वरए मिं थेब् तबै के लद्।

१ कोरिन्थी 7:23

परमेश्‍वरजी क्‍हेमैं सै फोसि खामिंब् ग, तारे क्हेमैं पापए न्होंर टिल् आत्हु। छतसि क्‍हेमैं म्‍हिमैंए केब्छैं आतद्।

गलाती 1:4

चु जुगर्बै आछ्याँबै शक्‍तिउँइँले ङ्योलाइ फ्रेमिंबै ल्हागिर येशू ख्रीष्‍टजी ङ्योए आछ्याँबै केए सजैं नोइ। ङ्योए परमेश्‍वर आबाए सैंर मैंब् धोंले खीजी ह्रोंसलाइन ङ्योए ल्हागिर सुम्पिदिइ।

एफिसी 4:17

छतसि प्रभुए मिंर ङ क्हेमैंने चु ताँ बिमुँ, परमेश्‍वर आम्हाँदिब्मैं ह्रोंसए सैंर मैंबै आछ्याँबै केर आफेबै ताँमैंए लिलि प्रब् धोंले तारे क्‍हेमैं आप्रद्।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 9:12

र-क्युए कोजी आङिं, दिलेया म्हिमैंए पाप क्षमा लबर ख्रीष्‍टजी ह्रोंसए को पिंसि म्हिमैंलाइ खोंयोंइ आखाँबै छ्ह पिंबै ल्हागिर तिखेर्न ताँन् भन्दा पबित्र क्ल्ह्‍योर होंइ।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

१ पत्रुस 4:3

ह्‍याबै त्हिंइजरे परमेश्‍वर आम्हाँदिब्मैंइ धोंले क्हेमैंइ ब्यभिचार लब, आछ्याँबै सैं मैंब, प्हा को तब, सैल् लब, छेरन् ब्योंबै कु पूजा लसि ल्हें त्हे खेरो वाइ।

१ यूहन्‍ना 3:5

म्‍हिमैंए पाप त्होवाबर ख्रीष्‍ट युब् ग, खीने तिफुँइ पाप आरे बिब क्‍हेमैंइ सेइमुँ।