१ पत्रुस 1:12 - परमेश्वरए ताँ तमु क्युइर12 चमैंने उँइँमिंबै ताँ चमैंए ल्हागिर आङिं, चमैंइ क्हेमैंए सेवा लरिल बिसि परमेश्वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्वर्गदूतमैंज्यै या चु ताँ था सेदा ङ्हाँइमुँ। အခန်းကိုကြည့်ပါ။ |
१ पत्रुस 1:12
56 ပူးပေါင်းရင်းမြစ်များ
तलेबिस्याँ चु सैं तोंबै ताँउँइँलेन् परमेश्वरजी म्हिमैंलाइ ह्रोंसए उँइँरि खैले ठिक ठर्दिम् बिसि उँइँम्। झाइले ओंसोंउँइँले लिउँइँ समा बिश्वासइ मत्त्रे म्हिमैं परमेश्वरए उँइँर ठिक ठर्दिल् खाँम्। छलेन “बिश्वास लसिन् परमेश्वरए उँइँर ठिक ठर्दिबै म्हिइ खोंयोंइ आखाँबै छ्ह योंम्।” बिसि परमेश्वरए छ्वेर प्ह्रिइमुँ।
झाइले बेल्ले थेबै औदिबै चिनुमैं नेरो पबित्र प्ल्हजी पिंबै भोंउँइँले येशू ख्रीष्टजी अरू ह्रेंमैंलाइ परमेश्वरलाइ म्हाँदिल् पिंइ। चु ताँर मत्त्रे ङ क्हेमैंने बिमुँ। ङइ यरूशलेम सहरउँइँले इल्लुरिकन बिबै ह्युल समा ह्यासि खन्तोंदोंन् येशू ख्रीष्टए बारेर सैं तोंबै ताँ बिप्रइमुँ। सैं तोंबै ताँउँइँलेन् अरू ह्रेंमैंए म्हाँजोरि औदिबै (थेब्-थेबै) केमैं लमिंबइले ङ सैं तोंइमुँ।
येशू ख्रीष्टए बारेर परमेश्वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्ट म्हिए क्हो किंसि चु ह्युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्युलर्बै म्हिमैंइ खीए फिर बिश्वास लइ, झाइले थेबै मानले खी स्वर्गउँइँ क्वेयाइ।
ကြော်ငြာတွေ