१ यूहन्‍ना 5:7 - परमेश्‍वरए ताँ तमु क्युइर

⁷ ग्वाइ पिंब्मैं सों मुँ:

१ यूहन्‍ना 5:7 ပူးပေါင်းရင်းမြစ်များ

भजनमैं 33:6

याहवेहए बचनइ मु बनेइ, धै चर मुँबै तोन्दोंरि सै बनेइ।

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

मत्ती 18:16

दिलेया चइ क्‍हिए ताँ थेल् आङिंस्‍याँ म्‍हि घ्रिदे ङ्हिंदे साक्षि ग्वाइ लबर क्‍हिने बालु बोसि चने सल्‍ला लद्। तलेबिस्याँ ‘उजुर लस्‍याँ साक्षि ग्वाइ टिब्‍मैं ङ्हिंदे सोंदे चैदिम्,’ बिसि ठिमर प्‍ह्रिथेंइमुँ।

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

यूहन्‍ना 1:1

ताँन् भन्दा ओंसों बचन मुँल। च बचन परमेश्‍वरने बालु मुँल। धै बचन परमेश्‍वरन् मुँल।

यूहन्‍ना 10:30

आबा नेरो ङ घ्रिन् ग।”

यूहन्‍ना 12:28

छतसि, ओ आबा, क्‍हिए मिंए थेबै मान तल् पिंन्।” बिबै तोदोंन् “ङए मिंए मान ङइ तल् पिंइँमुँ, धबै तल् पिंब्मुँ बिबै कै घ्रि स्‍वर्गउँइँले युइ।”

यूहन्‍ना 14:17

खी क्ह्रोंसेंन्बै ताँ लोमिंबै पबित्र प्ल्ह ग। ह्‍युलर्बै म्हिमैंइ खीलाइ आक्वें, तलेबिस्याँ ह्‍युलर्बै म्हिमैंइ खी म्रोंइ आम्रोंइमुँ, सेइ आसेइमुँ। दिलेया क्हेमैंमि खीलाइ सेइमुँ। तलेबिस्या खी क्हेमैंने बालुन् टिमुँ, धै खी क्हेमैंनेन् तरिब्मुँ।

यूहन्‍ना 15:26

“ङइ आबाउँइँले ल्होमिंबै पबित्र प्ल्ह क्हेमैं ङाँर कुल्मिंब्मुँ, खी परमेश्‍वर आबाउँइँले युब्मुँ, खीजीन् ङए बारेर ग्वाइ पिंब्मुँ।

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

यूहन्‍ना 8:18

ङए बारेर ङ ह्रोंसइन ग्वाइ पिंमुँ, धै ङ कुल्मिंबै आबाज्यै या ङए बारेर ग्वाइ पिंमुँ।”

यूहन्‍ना 8:54

येशूजी बिइ, “ङइ ह्रोंसइन ह्रोंस क्वेइ बिस्याँ च फाक्‍कर्न तम्। ङलाइ क्वेबाम् ङए आबा मुँ। खीनेन् क्‍हेमैंइ ‘ङिए परमेश्‍वर’ बिम्।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

चेला चिब्मैंए केमैं 5:32

चु ताँन् ताँए साँक्षिमैं ङि मुँ, धै परमेश्‍वरजी बिब् ङिंब्मैंलाइ पिंबै पबित्र प्ल्ह या साँक्षि मुँ।”

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

१ यूहन्‍ना 1:1

खोंयोंइ आखाँबै छ्ह पिंबै बचन ओंसों ओंनोंन् मुँल। खीए बारेर ङिइ थेइमुँ, ङिए मिइन खीलाइ म्रोंइमुँ, ङिए योइन छुइमुँ।

१ यूहन्‍ना 5:6

येशू ख्रीष्‍टजी क्युर प्ल्हुँसि बप्‍तिस्‍मा किंइ, धै क्रूसर सिमिंसि ह्रोंसए को पिंइ। छतसि खी म्हि तसि ह्‍युलर युइ बिबै ग्वाइ पिंब्मैं क्यु नेरो को ग। क्युउँइँले मत्‍त्रे आङिं, क्यु नेरो कोउँइँले युइ। खीए ग्वाइ पबित्र प्ल्हज्यै या ग्वाइ पिंइमुँ, तलेबिस्याँ पबित्र प्ल्हजी स्योर आते।

१ यूहन्‍ना 5:8

पबित्र प्ल्ह, क्‍यु नेरो को, चुमैं सोंइ ताँ घ्रिलेन् खीए ग्वाइ पिंम्।

दर्शन 19:13

खीजी कोर प्ल्हुँबै क्‍वें खिल। खीए मिं “परमेश्‍वरए ताँ” बिब् मुँल।