21 ओ ङए कोलोमैं, कु पूजा आलद्।
ङिलाइ पापर च्होल् आपिंनु, दुष्टउँइँले जोगेमिंनु। [तलेबिस्याँ ग्याल्स, शक्ति नेरो थेबै मान खोंयोंइ बिले क्हिलन् ग। आमेन।]
छतसि ओ ङइ खोबै अलि-अङाँमैं, कु पूजा लन् आलद्।
चमैं न्होंरि को-कोइ कु पूजा लब् धोंले ङ्योइ कुर पूजा लब आत। च कु पूजा लबै बारेर परमेश्वरए छ्वेर छले प्ह्रिइमुँ, “म्हिमैं [कुर पूजा लमा] मज्जाले चब्-थुँबर क्हुँइ, झाइले छाडाले सेबर रेइ।”
तलेबिस्याँ ङि क्हेमैं ङाँर खमा क्हेमैंइ ङिलाइ बेल्ले मान लइ, धै क्हेमैंइ कु (मूर्ति) फ्योब पिसि क्ह्रोंसेंन्बै परमेश्वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।
ओ ङए कोलोमैं, क्हेमैंइ पाप आलरिगे बिसि ङइ चु प्ह्रिछ्या प्ह्रिरिइमुँ। दिलेया खाबज्यै या पाप लइबिस्याँ ङ्योए ल्हागिर परमेश्वर आबाने क्षमा ह्रिमिंबै येशू ख्रीष्ट मुँ। खीजी ठिक के लम्।
चमैंए सजैं पिंबै मिए मिखु खोंयोंइन कैंडो ह्यारिब्मुँ। च खेदो नेरो चए कुलाइ पूजा लब्मैं, धै चए मिंए छाप झोंल् ङिंब्मैंइ त्हिंयाँ म्हुँइँस सजैं योंसि खोंयोंइ छिं ङ्हाँल् योंरिब् आरे।”
छाबै दुःखउँइँले सोसेया चैबै म्हिमैंइ खेंमैंइ लबै पापउँइँले सैं आए। झन चमैंइ मोंए पूजा लब, धै मारा, चाँदि, पित्तल, युँमा, सिं, छाबै सैउँइँले बनेबै म्रोंल् आखाँब, थेल् आखाँब, प्रल् आखाँबै कुमैं पूजा लब आपि।
