१ यूहन्‍ना 5:14 - परमेश्‍वरए ताँ तमु क्युइर

¹⁴ झाइले खीए सैंर मैंब् धोंले ङ्योइ खीने तो ह्रिलेया खीजी ङ्योए ताँ थेमिंम् बिब् सेसि ङ्यो खीए उँइँर तोइ आङ्हाँन्ले ह्‍याल् खाँम्।

१ यूहन्‍ना 5:14 ပူးပေါင်းရင်းမြစ်များ

भजनमैं 145:19

खीने बालु ङ्हिंब्मैं ताँनए सैंर मैंब खीजी पूरा लमिंम्; चमैंइ हुइब खीजी थेमुँ धै चमैंलाइ जोगेमिंम्।

भजनमैं 31:22

ङ्हिंबै त्हेर ङइ बिइ, “क्हि ङाँइँले ङ ह्रेंगो तइमुँ।” दिलेया ल्होमिंन् बिसि क्हिने ग्वार ह्रिमा क्हिजी ङए ताँ थेमिंइ।

भजनमैं 34:17

ठिक के लब्मैंइ ग्वार ह्रिमा याहवेहजी थेमुँ धै चमैंए ताँन् दुःखउँइँले फ्रेमिंम्।

भजनमैं 69:33

तलेबिस्याँ याहवेहजी दुःख योंब्मैंए ताँ थेम्, धै झेलर च्युवाबै ह्रोंसए म्हिमैंलाइ खीजी वास्ता लम्।

हितोपदेश 10:24

तो सैने दुष्‍ट म्हि ङ्हिंमुँ, च सैन् चए फिर तखब्मुँ, दिलेया ठिक के लब्मैंए सैंर मैंब पूरा तब्मुँ।

हितोपदेश 15:29

दुष्‍ट म्हिमैंउँइँले याहवेह ह्रेंगो टिम्, दिलेया ठिक के लब्मैंए प्राथना खीजी थेम्।

मत्ती 21:22

क्हेमैंइ परमेश्‍वरए फिर बिश्‍वास लसि प्राथनानर तो सै ह्रिलेया योंब्‍मुँ।”

यूहन्‍ना 11:42

क्हिजी ङए ताँ खोंयोंन् बिलै थेमुँ बिसि ङइ सेइमुँ। दिलेया क्हिजी ङ कुल्मिंब् ग बिब चुर रारिबै म्हिमैंइ क्वेंरिगे बिसि ङइ चु ताँ बिब् ग।”

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

यूहन्‍ना 16:24

तोगो समा ङए मिंरि क्‍हेमैंइ आबाने तोइ आह्रिइमुँ। तारे ह्रिद् क्‍हेमैंइ योंब्मुँ। झाइले क्‍हेमैं बेल्‍ले सैं तोंल् योंब्‍मुँ।

यूहन्‍ना 9:31

परमेश्‍वरजी पापिमैं ताँ आथे, दिलेया परमेश्‍वरने ङ्हिंसि खीए मान लब्‍मैं नेरो खीजी बिब् धोंले के लब्‍मैंए ताँ परमेश्‍वरजी थेम् बिसि ङ्योइ सेइमुँ।

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

हिब्रू 10:35

छतसि क्‍हेमैंइ लबै बिश्‍वास आपिद्, क्हेमैंए ल्हागिर थेबै इनाम मुँ।

हिब्रू 3:14

ङ्योइ ओंसों लब् धोंबै बिश्‍वास लिउँइँ समन् लरिस्याँ, ङ्योइ ख्रीष्‍टने बालुन् परमेश्‍वरजी पिंबै हग योंब्‍मुँ।

हिब्रू 3:6

दिलेया ख्रीष्‍ट बिस्याँ परमेश्‍वरए च्‍ह मुँल। छतसि ङ्योइ थेंबै आशार लिउँइँ समा खीए फिर भर थेंसि सैं भोंब् लरिस्याँ ङ्यो या परमेश्‍वरए प्हसेमैं तम्।

याकूब 4:3

धै क्‍हेमैंइ परमेश्‍वरने ह्रिलेया आयों, तलेबिस्याँ क्‍हेमैंइ ह्रोंसए सयल थोबै ल्हागिर मत्‍त्रे आछ्याँबै सैंइ ह्रिम्।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

१ यूहन्‍ना 2:28

ओ ङइ खोबै कोलोमैं, ख्रीष्‍ट युमा ङ्यो भोंब तरिगे, धै खी युबै त्हिंइर खीए उँइँर ङ्यो फापिल् आत्‍हुरिगे बिसि खीनेन् घ्रिन् तसि प्रद्।