१ यूहन्‍ना 5:1 - परमेश्‍वरए ताँ तमु क्युइर

¹ “परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

१ यूहन्‍ना 5:1 ပူးပေါင်းရင်းမြစ်များ

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

लूका 7:5

तलेबिस्याँ च ङ्यो यहूदीमैंलाज्यै या म्‍हाँया लबै म्हि ग, ङ्योए च्हों धिं चइन बनेमिंब् ग।”

यूहन्‍ना 1:3

तोन्दोंरि सै खीजीन् बनेइ, बनेबै तोन्दोंरि सैमैं खी बिना आबन्दि।

यूहन्‍ना 15:23

ङलाइ हेल लब्मैंइ ङए आबालाज्यै या हेल लम्।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

यूहन्‍ना 6:69

क्हि परमेश्‍वरजी कुल्मिंबै पबित्र म्हि ग बिब् सेसि ङिइ क्हिए फिर बिश्‍वास लइमुँ।”

यूहन्‍ना 8:42

येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 8:37

[फिलिपइ चने बिइ, “क्‍हिइ ह्रोंसए खों न्होंउँइँलेन् प्रभु येशूए फिर बिश्‍वास लम् बिस्याँ क्हिइ बप्‍तिस्मा किंल् खाँम्।” चइ बिइ, “येशू ख्रीष्‍टन् परमेश्‍वरए च्ह मुँन बिसि ङइ क्वेंम्,”]

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ यूहन्‍ना 2:10

दिलेया ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया लब्मैं बिस्याँ ह्‍वेर टिम्, झाइले चमैं पापर आच्होल्‍ले प्रल् खाँम्।

१ यूहन्‍ना 2:29

ख्रीष्‍टजी ठिक के मत्‍त्रे लम् बिब क्‍हेमैंइ सेइमुँ। छतसि ठिक के लब्मैं ताँन् परमेश्‍वरए प्‍हसेमैं ग बिसि क्‍हेमैंज्यै या सेइमुँ।

१ यूहन्‍ना 3:14

ङ्यो कालउँइँले जोगेसि छ्ह योंबै क्‍ल्‍ह्‍योर तर्दिल् खाँइमुँ बिसि ङ्योइ सेइमुँ। ङ्योइ बिश्‍वासी अलि-अङाँमैंलाइ सैं न्होंउँइँलेन् म्हाँयाँ लबइले ङ्योइ चु ताँ सेइमुँ। दिलेया ह्रोंसए अलि-अङाँमैंलाइ म्हाँया आलब्मैं कालए न्होंर टिरिमुँ।

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?

१ यूहन्‍ना 3:9

परमेश्‍वरए प्‍हसेमैंइ पाप केमैं आल, तलेबिस्याँ परमेश्‍वरए छ्याँबै बानि चमैंए सैंर्न तरिम्। परमेश्‍वर चमैंए आबा ग। छतसि चमैंइ पाप लरिल् आखाँ।

१ यूहन्‍ना 4:2

च म्हिमैंइ परमेश्‍वरए पबित्र प्ल्हउँइँले पोंम् उ आपों बिसि क्‍हेमैंइ खैले ङो सेम् बिस्‍याँ, “येशू ख्रीष्‍ट म्‍हि तसि युइ,” बिब्मैंने परमेश्‍वरउँइँले युबै प्ल्ह तम्।

१ यूहन्‍ना 4:20

“ङइ परमेश्‍वरलाइ म्हाँया लम्,” बिमुँ, दिलेया ह्रोंसए बिश्‍वासी अलि-अङाँमैंए फिर म्हाँया आल बिस्याँ च म्हि स्‍योर्गु ग। तलेबिस्याँ ह्रोंसइ म्रोंबै बिश्‍वासी अलि-अङाँलाइ सैं न्होंउँइँलेन् म्हाँया आलबै म्हिइ खोंयोंइ आम्रोंबै परमेश्‍वरलाइ खैले म्हाँया लल् खाँम्?

१ यूहन्‍ना 4:7

ओ ङइ खोबै थुमैं, ङ्योइ घ्रिइ घ्रिने सैं न्होंउँइँलेन् म्हाँया लले, तलेबिस्याँ छाबै म्हाँया परमेश्‍वरउँइँले युम्। आगुए फिर सैं न्होंउँइँलेन् म्हाँया लबै म्हि परमेश्‍वरए प्हसे ग, धै परमेश्‍वरलाइ ङो सेम्।

१ यूहन्‍ना 5:18

परमेश्‍वरए प्‍हसेमैं खाबज्यै खोंयोंइ पाप लरिब आरे बिसि ङ्योइ सेइमुँ, तलेबिस्याँ परमेश्‍वरए च्‍हजी चलाइ जोगेथेंम्, छतसि दुष्‍टइ चलाइ छुइल् आखाँ।

१ यूहन्‍ना 5:4

तलेबिस्याँ परमेश्‍वरए ताँन् प्‍हसेमैंइ चु ह्‍युलउँइँले खबै पापलाइ ट्होल् खाँम्। खैले ट्होम् बिस्‍याँ ङ्योइ परमेश्‍वरए फिर बिश्‍वास लसि ट्होब् ग।

१ यूहन्‍ना 5:5

“येशू ख्रीष्‍ट परमेश्‍वरए च्‍ह ग” बिसि बिश्‍वास लबै म्हिन् चु ह्‍युलउँइँले खबै पापलाइ ट्होल् खाँबै म्हि ग।