१ यूहन्‍ना 4:3 - परमेश्‍वरए ताँ तमु क्युइर

³ दिलेया येशू परमेश्‍वर तसेया म्हिए क्हो किंसि ह्‍युलर युइ आबिब्मैंने परमेश्‍वरए प्ल्ह आत। चमैंने मुँबै प्ल्ह ख्रीष्‍ट बिरोधीए प्ल्ह ग। च बिरोधीए प्ल्ह त्‍होंखम् बिब क्हेमैंइ ओंसोंन् थेल। छ बिब् धोंले चए प्ल्ह चु ह्‍युलर्बै म्‍हिमैं न्‍होंर युल् खाँइमुँ।

१ यूहन्‍ना 4:3 ပူးပေါင်းရင်းမြစ်များ

मत्ती 24:5

तलेबिस्याँ ल्‍हें म्‍हिमैं ङए मिंरि ‘ङ परमेश्‍वरजी कुलबै म्रुँ ख्रीष्‍ट ग’ बिसि क्‍हेमैं ङाँर खब्मुँ, धै ल्‍हें म्‍हिमैं खेंमैं ङाँइ लवाब्‍मुँ।

१ यूहन्‍ना 2:18

ओ ङइ खोबै कोलोमैं, आखिरि त्हे तखइमुँ। क्‍हेमैंइ “आखिरि त्हेर ख्रीष्‍टए बिरोधी त्‍होंब्‍मुँ” बिबै ताँ थेल। धै तिंजोरो ख्रीष्‍टए बिरोधीमैं ल्‍हें त्‍होंइमुँ। छतमा आखिरि त्हे तखन बिसि ङ्योइ सेल् खाँम्।

१ यूहन्‍ना 2:22

छतसि स्‍योर्गु खाब् जा बिस्‍याँ “परमेश्‍वरजी कुल्मिंबै म्रुँ ख्रीष्‍ट येशून् आङिं” बिबै म्हिमैंन् स्‍योर्गुमैं ग। छाबै म्हिमैं परमेश्‍वर आबा नेरो च्‍हलाइ तो धोंइ आङ्हाँ, छतसि चमैं ख्रीष्‍टए बिरोधी ग।

२ यूहन्‍ना 1:7

“येशू ख्रीष्‍ट म्हि तसि चु ह्‍युलरि युब आङिं” बिसि भाँड्याल् म्हैबै म्हिमैं खन्तोंदोंन् खइमुँ। चुमैंन् स्‍योलिबै ताँ बिब्‍मैं नेरो ख्रीष्‍टए बिरोधीमैं ग।