१ यूहन्‍ना 4:1 - परमेश्‍वरए ताँ तमु क्युइर

¹ ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।

१ यूहन्‍ना 4:1 ပူးပေါင်းရင်းမြစ်များ

हितोपदेश 14:15

आमादुमैंइ खैतबै ताँ मुँलेया क्वेंम्, दिलेया बुद्धि मुँबै म्हि न्हक्रों मिक्रोंले प्रम्।

मर्कूस 13:21

“च त्हेर क्‍हेमैंने खाबज्यै ‘ङ्‍ह्‍योत्ति! परमेश्‍वरजी कुल्मिंबै म्रुँ ख्रीष्‍ट चुर मुँ, चर मुँ’ बिस्याँ चए ताँ आक्वेंन्।

लूका 12:57

“क्ह्रोंसेंन्बै ताँ तो जा? बिसि क्हेमैंइ तले आक्होल?

लूका 21:8

येशूजी बिइ, “न्ह क्रों मि क्रोंले टिद्, क्हेमैंलाइ खाबज्यै लुल् आखाँरिगे। ल्‍हें म्हिमैं ङए मिं किंसि खब्मुँ, ‘ङ परमेश्वरजी कुलबै म्रुँ ख्रीष्‍ट ग’ बिब्‍मुँ, झाइले अरू म्हिमैंइ ‘ख्रीष्‍ट युबै त्‍हे चेंदो तखइमुँ’ बिब्‍मुँ, दिलेया चमैंए लिलि आल्‍हैदिद्, चमैंइ बिब आङिंन्।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

चेला चिब्मैंए केमैं 20:29

ङ ह्‍याबै लिउँइँ ङ्हिंन् ङ्हाँबै प्याउँमैं धों तबै म्हिमैं क्‍हेमैंए म्‍हाँजोरि खसि बिश्‍वासीमैंलाइ ल्हें दुःख पिंब्‍मु।

१ कोरिन्थी 12:10

छलेन कोइइ औदिबै केमैं लब, कोइइ अगमबाणि पोंब, कोइइ पबित्र प्ल्हउँइँले खबै ताँ नेरो दुष्‍टउँइँले खबै ताँमैं फेलल् खाँब, कोइइ ल्हें खालर्बै क्युइ पोंल् ह्रब, कोइइ च क्युइमैं क्होबै बरदान योंइमुँ।

१ कोरिन्थी 14:29

अगमबाणि पोंबै म्हि या ङ्हिंदे सोंदेइ मत्‍त्रे पोंरिगे। धै चमैंइ पोंबै ताँ परमेश्‍वरए ताँ ङिंउ उ आङि? बिसि अरूमैंइ छेनाले जाँच लरिगे।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,

१ थेसलोनिकी 5:21

दिलेया चमैंइ बिबै ताँन् ताँमैं छेनाले मैंन्, धै छ्याँबै ताँ म्हाँदिद्,

२ थेसलोनिकी 2:2

“प्रभु युल् खाँइ बिसि पावलइ लोमिंइ,” बिबै स्योलिबै ताँ खाबज्यै या आक्वेंन्, क्‍हेमैंए सैं आआदिद्। ङिइ छले सुँइ आबि, प्ह्रिछ्यार आप्ह्रि, तोइ अगमबाणि आपों।

१ तिमोथी 4:1

तारे खबै त्हेजरे स्योलिबै ताँ क्वेंसि दुष्‍टए घ्याँर प्रसि को-कोइ बिश्‍वास लबन् पिवाब्मुँ बिसि पबित्र प्ल्हजी छेनाले बिमिंइमुँ।

२ तिमोथी 3:13

दिलेया आछ्याँबै के लबै म्हिमैं नेरो आगुलाइ लुब्मैंइ अरूमैंलाइ लुसि अरूमैंउँइँलेन् लुयासि चमैं झन्-झन् दुष्‍ट त-तै ह्‍याम्।

२ पत्रुस 2:1

ओंसों इस्राएलीमैंए न्‍होंरि परमेश्‍वरए ताँर स्योलिबै ताँ कोंसि लोमिंबै म्हिमैं मुँल। छलेन क्हेमैं न्होंरै या स्योलिबै ताँमैं लोमिंबै म्हिमैं तब्मुँ। क्हेमैंए न्होंरि सैं न्होंवाबै स्योलिबै ताँमैं चमैंइ पोंब्मुँ, ह्रोंसलाइ जोगेमिंबै क्ल्हेलाइ चमैंइ पिवाब्मुँ। छले ह्रोंसए फिर युनन् नास तबै सजैं चमैंइ पखब्मुँ।

१ यूहन्‍ना 2:18

ओ ङइ खोबै कोलोमैं, आखिरि त्हे तखइमुँ। क्‍हेमैंइ “आखिरि त्हेर ख्रीष्‍टए बिरोधी त्‍होंब्‍मुँ” बिबै ताँ थेल। धै तिंजोरो ख्रीष्‍टए बिरोधीमैं ल्‍हें त्‍होंइमुँ। छतमा आखिरि त्हे तखन बिसि ङ्योइ सेल् खाँम्।

१ यूहन्‍ना 2:7

ओ ङए खोबै थुमैं, चु प्ह्रिछ्यार ङइ क्‍हेमैंलाइ छारा ताँ तोइ आप्‍ह्रिइमुँ, ओंसों ओंनोंन् क्हेमैंने था सेबै ताँमैंन् प्‍ह्रिरिइमुँ। ख्रीष्‍टने प्रब् ओनोंन् चु ताँ क्‍हेमैंइ था सेल। “घ्रिइ घ्रिने सैं न्होंउँइँलेन् म्हाँया लद्” बिबै चु ताँ क्‍हेमैंइ ओंसोंन् थेइमुँ।

२ यूहन्‍ना 1:7

“येशू ख्रीष्‍ट म्हि तसि चु ह्‍युलरि युब आङिं” बिसि भाँड्याल् म्हैबै म्हिमैं खन्तोंदोंन् खइमुँ। चुमैंन् स्‍योलिबै ताँ बिब्‍मैं नेरो ख्रीष्‍टए बिरोधीमैं ग।

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।