१ यूहन्‍ना 3:23 - परमेश्‍वरए ताँ तमु क्युइर

²³ खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 3:23 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

मत्ती 22:39

आलसि आतबै अर्को थेबै ताँ या छाबन् मुँ, ‘क्‍हिइ ह्रोंसए ङ्‍हेब्-ट्हुब्मैंलाज्यै या ह्रोंसने धोंले म्हाँया लद्।’

मर्कूस 9:7

च तोदोंन् न्‍हाँम्‍स्यो खसि खेंमैं हुवाइ, धै न्हाँम्स्यो न्होंउँइँले “चु ङइ खोबै च्‍ह ग, क्‍हेमैंइ चुए ताँ थेद् बिबै कै थेइ।”

यूहन्‍ना 1:12

दिलेया खा-खाबइ खीए ताँ थेसि खीए फिर बिश्‍वास लइ, खीजी चमैंलाइ परमेश्‍वरए सन्तान तबै हग पिंइ।

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

यूहन्‍ना 14:1

“क्‍हेमैंए सैं खैता-खैता आङ्हाँन्। क्हेमैंइ परमेश्‍वरए फिर बिश्‍वास लमुँ, छलेन ङए फिरै या बिश्‍वास लद।

यूहन्‍ना 15:12

“ङइ बिबै ताँ चुन् ग, ङइ क्‍हेमैंने म्‍हाँया लब् धोंलेन् क्‍हेमैंज्यै या घ्रिइ-घ्रिने म्‍हाँया लद्।

यूहन्‍ना 17:3

म्हिमैंइ क्हि घ्रि मत्‍त्रे क्ह्रोंसेंन्बै परमेश्‍वरलाइ ङो सेब नेरो क्हिजी कुल्मिंबै येशू ख्रीष्‍टलाइ ङो सेबन् खोंयोंइ आखाँबै छ्ह ग।

यूहन्‍ना 2:23

झाइले दुःखने फ्रेबै चाडए त्‍हेर येशू यरूशलेमर मुँमा। खीजी लबै औदिबै चिनुमैं म्रोंसि ल्‍हें म्हिमैंइ खीए मिंर बिश्‍वास लइ।

यूहन्‍ना 3:18

“खीए फिर बिश्‍वास लब्मैं दोषि आठर्दि, दिलेया बिश्‍वास आलब्मैं बिस्याँ ओंसोंन् दोषि ठर्दिल् खाँइमुँ, तलेबिस्याँ परमेश्‍वरए घ्रिदे मुँबै च्हए फिर चमैंइ बिश्‍वास आलइँमुँ।

यूहन्‍ना 6:29

येशूजी चमैंने बिइ, “खीजी कुल्‍मिंबै म्हिए फिर बिश्‍वास लद्, चुन् परमेश्‍वरजी खोबै के ग।”

चेला चिब्मैंए केमैं 16:31

झाइले चमैंइ बिइ, “प्रभु येशूए फिर बिश्‍वास लद्। छलस्याँ क्हि नेरो क्हिए परवाज्यै मुक्‍ति योंब्मुँ।”

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

१ थेसलोनिकी 4:9

अलि-अङाँमैं न्होंरि लल् त्हुबै म्हाँयाए बारेर खाबज्यै क्हेमैंलाइ प्ह्रिल् आत्हु, तलेबिस्याँ घ्रिइ घ्रिने म्हाँया लरिगे बिसि परमेश्‍वरजीन् क्हेमैंने लोमिंइमुँ।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ पत्रुस 1:22

क्‍हेमैंइ क्ह्रोंसेंन्बै परमेश्‍वर म्हाँदिसि ह्रोंसलाइ चोखो लबइले, ह्रोंसए आघें अलिलाइ आफेलनाले म्हाँया लद्, धै घ्रिइ घ्रिलाइ सैं न्होंउँइँलेन् म्हाँया लद्,

१ पत्रुस 4:8

ताँन् भन्दा थेबै ताँ: घ्रिइ घ्रिलाइ खोंयोंन् बिलै म्हाँया लरिद्, तलेबिस्याँ म्हाँयाइ लमा ल्‍हें पापमैं या क्षमा तम्।

१ यूहन्‍ना 2:7

ओ ङए खोबै थुमैं, चु प्ह्रिछ्यार ङइ क्‍हेमैंलाइ छारा ताँ तोइ आप्‍ह्रिइमुँ, ओंसों ओंनोंन् क्हेमैंने था सेबै ताँमैंन् प्‍ह्रिरिइमुँ। ख्रीष्‍टने प्रब् ओनोंन् चु ताँ क्‍हेमैंइ था सेल। “घ्रिइ घ्रिने सैं न्होंउँइँलेन् म्हाँया लद्” बिबै चु ताँ क्‍हेमैंइ ओंसोंन् थेइमुँ।

१ यूहन्‍ना 3:11

क्‍हेमैंइ घ्रिइ घ्रिने सैं न्होंउँइँलेन् म्हाँया लल् त्‍हुम् बिबै ताँ ओंसों ओंनोंन् थेल।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।

१ यूहन्‍ना 5:13

ओ, परमेश्‍वरए च्‍हए फिर बिश्‍वास लब्मैं! क्‍हेमैंइ खोंयोंइ आखाँबै छ्ह योंइमुँ बिसि पक्‍का था सेरिगे बिसि ङइ चु प्ह्रिछ्या क्‍हेमैंलाइ प्‍ह्रिब् ग।