१ यूहन्‍ना 3:15 - परमेश्‍वरए ताँ तमु क्युइर

¹⁵ ह्रोंसए बिश्‍वासी अलि-अङाँमैंलाइ हेल लब्मैं म्हिसै धोंन् तब्मैं ग। म्हिसैमैंने खोंयोंइ आखाँबै छ्ह आत बिब क्‍हेमैंइ सेइमुँ।

१ यूहन्‍ना 3:15 ပူးပေါင်းရင်းမြစ်များ

उत्पत्ति 27:41

आबाइ याकूबलाइ आशिक पिंबइले एसाव ह्रोंसए अलि याकूबने ख्रे लबर होंइ। छतमा “ङए आबा सिबै त्हे तखइ। च सिबै लिउँइँ ङइ याकूब सैवाब्मुँ” बिसि एसावइ सैं न्हों-न्हों मैंइ।

मत्ती 5:28

दिलेया ङ क्हेमैंने बिमुँ, च्हमिरि घ्रि म्रोंसि चने आछ्याँबै सैंले ङ्‍ह्‍योबै म्हिइ ह्रोंसए सैंर चने ब्यभिचार लल् खाँइमुँ!

मर्कूस 6:19

हेरोदियासइ यूहन्‍नाने इख थेंसि चलाइ सैबै सैं लल, दिलेया सैल् आखाँल,

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

चेला चिब्मैंए केमैं 23:12

न्हाँगर मि म्रोंबै लिउँइँ यहूदीमैंइ खेंमैंए न्होंर मत फैसि “पावल आसैन् समन् ङि तोइ आच तोइ आथुँ,” बिबै कसम चइ।

चेला चिब्मैंए केमैं 23:14

च लिउँइँ चमैं ख्रो पिंबै खेगि चिब्मैं नेरो चिबनाँब्मैं ङाँर ह्‍‍यासि बिइ, “पावल आसैन् समा ङि तोइ आच बिसि कसम चइमुँ।

याकूब 1:15

छले आछ्याँबै सैंइ म्हिमैंलाइ पाप के लबर ल्हैदिम्। पाप केमैंइ लमा ङ्यो सिल् त्हुम्।

१ पत्रुस 1:23

तलेबिस्याँ क्‍हेमैंइ परमेश्‍वरए खोंयोंइ तरिबै सोगों बचनउँइँले खोंयोंइ आखाँबै छ्ह योंइमुँ। चु छ्ह क्‍हेमैंए आबा-आमाउँइँले योंब आङिं, खोंयोंन् बिलै तरिबै सोगों बचनउँइँले छारा तसि क्‍हेमैं फिइमुँ।

१ यूहन्‍ना 2:11

दिलेया ह्रोंसए बिश्‍वासी अलि-अङाँलाइ हेल लब्मैं मिछु खैबर्न टिम्। मिछु खैबइ चमैंलाइ कन लवासि चमैंए मि म्रोंल् आखाँ, छतसि ह्रोंस खनिर ह्‍यारिइमुँ बिसि चमैंइ था आसे।

१ यूहन्‍ना 2:9

खाबइ “ङ ह्‍वेर मुँ” बिमुँ, दिलेया ह्रोंसए बिश्‍वासी अलि-अङाँलाइ हेल लमुँ, च अझै मिछु खैबर्न मुँ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”