१ यूहन्‍ना 3:13 - परमेश्‍वरए ताँ तमु क्युइर

¹³ ओ ङए अलि-अङाँमैं, ह्‍युलर्बै म्‍हिमैंइ क्‍हेमैंलाइ म्हि आच्हिल्‍ले पोंमा क्हेमैं अचम्मा आङ्हाँन्।

१ यूहन्‍ना 3:13 ပူးပေါင်းရင်းမြစ်များ

हितोपदेश 29:27

ठिक के लबै म्हिमैंइ छलु म्हिलु लब्मैंलाइ आखो, छलु म्हिलु लब्मैंइ ठिक के लब्मैं आखो।

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मत्ती 24:9

“च त्हेर म्‍हिमैंइ क्‍हेमैं दुःख योंरिगे बिसि क्‍हासि दुष्‍टमैंए योर पिंवाब्मुँ, धै चमैंइ क्‍हेमैं सैवाब्‍मुँ। क्‍हेमैंइ ङए ताँ क्वेंइ बिसि ताँन् म्हिमैंइ क्‍हेमैंलाइ हेल लब्‍मुँ।

मर्कूस 13:13

ङए फिर बिश्‍वास लब्मैं तबइले ताँनइ क्‍हेमैं हेल् लब्‍मुँ। दिलेया लिउँइँ समा दुःख सैदिसि ढुक्‍कले टिब्मैं जोगेल् योंब्‍मुँ।

लूका 21:17

क्‍हेमैंइ ङए मिं किंबइले ताँन् म्हिमैंइ क्हेमैं हेल लब्‍मुँ।

लूका 6:22

“म्हिए च्हए फिर क्‍हेमैंइ बिश्‍वास लबइले म्‍हिमैंइ हेल लसि खेंमैंउँइँले स्यो लावाब्मुँ, धै क्हेमैं फिर आछ्याँबै ताँमैं पोंसि क्हेमैंए बिल्‍लि लब्मुँ, धै दुष्‍ट म्हिमैं धों ङ्हाँसि म्हि आच्हिन् लब्मुँ। छ ललेया क्हेमैंइ आशिक योंब्मुँ।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 16:33

“क्हेमैं ङने बालु टिमा छिं ङ्हाँरिगे बिसि ङइ क्हेमैंने चु ताँमैं बिइमुँ। ह्‍युलर मुँमा क्हेमैंलाइ दुःख तब्मुँ, दिलेया सैं थेब लद्। ङइ ह्‍युललाइ ट्होवाइमुँ।”

यूहन्‍ना 17:14

ङइ चमैंलाइ क्‍हिए ताँ लोमिंइ। ङ ह्‍युलर्बै आङिंब् धोंले चमैं या चु ह्‍युलर्बै आङिं। छतसि चु ह्‍युलर्बै म्हिमैंइ चमैं हेल् लम्।

यूहन्‍ना 3:7

ङइ क्हिने ‘छारा तसि फिल् त्हुमुँ’ बिमा अचम्मा आङ्हाँन्।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

चेला चिब्मैंए केमैं 3:12

चु म्रोंसि पत्रुसइ म्हिमैंने बिइ, “ओ इस्राएलीमैं, चु ताँर क्हेमैं तले अचम्‍मा ङ्हाँल? ङिइ ह्रोंसए शक्‍ति अथवा भक्‍तिउँइँले चु म्हिलाइ प्रल् खाँब् लमिंइ बिसि क्हेमैं तले ङिलाइ ङ्ह्‍योबै ङ्‍ह्‍योबन् लरिल?

रोमी 8:7

छतसि ओंसोंबै बानिए लिलि प्रब्मैं परमेश्‍वरए शत्तुर ग, तलेबिस्याँ चमैंइ ठिमर्बै ताँ आम्हाँदि, म्हाँदिलै या आखाँ।

२ तिमोथी 3:12

ख्रीष्‍ट येशए फिर बिश्‍वास लसि छ्ह थोदा ङ्हाँब्मैं ताँनए फिर दुःख तब्मुँ।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।

दर्शन 17:7

दिलेया स्‍वर्गदूतइ ङने बिइ, “क्‍हि तले प्लेटोयाल? ङइ क्हिने च फ्यालुस्योलाइ नोबै क्र ङि नेरो रुँ च्‍यु मुँबै खेदोए अर्थ खोल्‍दिमिंस्‍यो।