१ यूहन्‍ना 2:7 - परमेश्‍वरए ताँ तमु क्युइर

⁷ ओ ङए खोबै थुमैं, चु प्ह्रिछ्यार ङइ क्‍हेमैंलाइ छारा ताँ तोइ आप्‍ह्रिइमुँ, ओंसों ओंनोंन् क्हेमैंने था सेबै ताँमैंन् प्‍ह्रिरिइमुँ। ख्रीष्‍टने प्रब् ओनोंन् चु ताँ क्‍हेमैंइ था सेल। “घ्रिइ घ्रिने सैं न्होंउँइँलेन् म्हाँया लद्” बिबै चु ताँ क्‍हेमैंइ ओंसोंन् थेइमुँ।

१ यूहन्‍ना 2:7 ပူးပေါင်းရင်းမြစ်များ

मत्ती 5:43

“झाइले अर्को ताँ, ‘क्हिए ङ्‍हेब्-ट्हुब्मैंने म्हाँया लदु, धै शत्तुरमैं हेल् लद्’ बिसि शास्‍त्रिमैंइ लोमिंब क्‍हेमैंइ थेइमुँ।

यूहन्‍ना 13:34

लद् बिबै छारा ताँ घ्रि ङइ क्हेमैंने बिमुँ: क्हेमैंइ घ्रिइ-घ्रिने म्हाँया लद्। ङइ क्हेमैंने म्हाँया लब् धोंले क्हेमैंज्यै या घ्रिइ-घ्रिने म्हाँया लद्।

चेला चिब्मैंए केमैं 17:19

छतसि चमैंइ पावल अरियोपागसर्बै म्हि च्होंर बोसि, “क्हिइ लोमिंबै चु छारा ताँमैं तो जा? ङिज्यै या क्होल् खाँम्‍मा?” बिसि ङ्योएइ।

हिब्रू 6:9

ओ ङए खोबै थुमैं, ङिइ छ बिलेया क्‍हेमैंए बारेर छ्याँबै ताँए आशा ङिइ लइमुँ। तलेबिस्याँ मुक्‍ति योंबइले क्हेमैंइ ल्हें छ्याँबै ताँमैं योंब्मुँ बिसि ङिइ सेइमुँ।

१ यूहन्‍ना 2:24

छतसि क्‍हेमैंइ ओंसों ओनोंन् थेबै ताँ सैं न्‍होंर थेंरिद्। क्‍हेमैंइ च ताँ सैं न्‍होंर थेंइ बिस्‍याँ क्‍हेमैं च्‍ह नेरो आबाने घ्रिन् तसि खोंयोंन् बिलै बालुन् टिब्‍मुँ।

१ यूहन्‍ना 3:11

क्‍हेमैंइ घ्रिइ घ्रिने सैं न्होंउँइँलेन् म्हाँया लल् त्‍हुम् बिबै ताँ ओंसों ओंनोंन् थेल।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।

१ यूहन्‍ना 3:21

ओ ङइ खोबै थुमैं, ङ्योए सैंइ ङ्योलाइ आदोसिदि बिस्‍याँ ङ्यो परमेश्‍वरए उँइँर आङ्हिंन्ले राल् खाँम्।

१ यूहन्‍ना 3:23

खीजी बिबै ताँ चुन् ग: खीए च्‍ह येशू ख्रीष्‍टए फिर ङ्योइ बिश्‍वास लल् त्‍हुम्, धै खीजी लद् बिब् धोंले घ्रिइ घ्रिने म्हाँया लल् त्‍हुम्।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।

१ यूहन्‍ना 4:11

छतसि ओ ङइ खोबै थुमैं, परमेश्‍वरजी ङ्योए फिर छले म्हाँया लबइले ङ्योज्‍यै या घ्रिइ घ्रिने सैं न्होंउँइँलेन् म्हाँया लल् त्‍हुम्।

१ यूहन्‍ना 4:21

खीजी ङ्योने लद् बिबै ताँ चुन् ग: परमेश्‍वरलाइ म्हाँया लबै म्हिइ ह्रोंसए बिश्‍वासी अलि-अङाँमैंलाज्यै या सैं न्होंउँइँलेन् म्हाँया लल् त्‍हुम्।

१ यूहन्‍ना 4:7

ओ ङइ खोबै थुमैं, ङ्योइ घ्रिइ घ्रिने सैं न्होंउँइँलेन् म्हाँया लले, तलेबिस्याँ छाबै म्हाँया परमेश्‍वरउँइँले युम्। आगुए फिर सैं न्होंउँइँलेन् म्हाँया लबै म्हि परमेश्‍वरए प्हसे ग, धै परमेश्‍वरलाइ ङो सेम्।