१ यूहन्‍ना 2:5 - परमेश्‍वरए ताँ तमु क्युइर

⁵ दिलेया परमेश्‍वरजी बिबै ताँ ङिंबै म्हिइ क्‍ह्रोंसेंन्लेन् परमेश्‍वरलाइ सैं न्होंउँइँलेन् म्हाँया लम्। छले ङिंइबिस्‍याँ परमेश्‍वर ङ्योने मुँ बिसि पक्‍का था सेम्।

१ यूहन्‍ना 2:5 ပူးပေါင်းရင်းမြစ်များ

भजनमैं 105:45

खीजी लबै निसाफमैं चमैंइ ङिंरिगे, धै खीए ठिममैं म्हाँदिरिगे बिसिन् चु ताँन् तब् ग। याहवेहए मिं थेब् लद्!

भजनमैं 106:3

ठिक निसाफ लब्मैंइ आशिक योंब्मुँ, धै चमैंइ खोंयोंन् बिलै ठिक के लसि सैं तोंरिब्मुँ।

भजनमैं 119:146

ङइ क्हिने ग्वार ह्रिमा ङ जोगेमिंन्, झाइले क्हिजी बिबै ताँमैं अनुसार ङ प्रब्मुँ।

भजनमैं 119:2

खीजी बिबै ताँमैं ङिंब्मैं, नेरो सैं न्होंउँइँले खीलाइ म्हैब्मैंइ आशिक योंम्।

भजनमैं 119:4

ङिइ लल् त्हुबै के ताँन् छेनाले लरिगे बिसि ङिइ लल् त्हुबै ताँमैं क्हिजी पिंथेंइमुँ।

हितोपदेश 28:7

ठिमर्बै ताँइ बिब् धोंले प्रब बुद्धि मुँबै च्ह ग; दिलेया चब् थुँबै लिलि मत्त्रे प्रबै च्हइ ह्रोंसए आबालाइ फापिन् लम्।

हितोपदेश 8:32

“ओ ङए च्हमैं, तारे ङए ताँ थेद्; ङए घ्याँर प्रब्मैंइ आशिक योंब्मुँ।

लूका 11:28

दिलेया येशूजी च च्हमिरिने बिइ, “ओ नानि, ङए ताँ थेद्! परमेश्‍वरए ताँ थेसि खीजी बिब् म्हाँदिबै म्‍हिइ झन् आशिक योंब्मुँ।”

यूहन्‍ना 14:21

ङइ बिबै ताँ ङिंब्मैं ङलाइ म्हाँया लब्मैं ग। धै ङलाइ म्हाँया लब्मैंने ङए आबाजी म्हाँया लब्मुँ। ङज्यै या चमैंलाइ म्हाँया लब्मुँ, झाइले ङ चमैं ङाँर म्रोंयुब्मुँ।”

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 15:5

“अँगुरए धुँ ङन् ग, क्‍हेमैं हाँगमैं ग। खाबै ङने टिइ बिस्याँ, धै ङ चने तइ बिस्याँ, चइ ल्हें रोमैं रोब्मुँ। तलेबिस्याँ ङ ङाँइँले स्यो तसि क्हेमैंइ तोइ लल् आखाँ।

यूहन्‍ना 6:56

ङए ज्यु चब्मैं नेरो ङए को थुँब्मैं ङने तरिम्, धै ङ चमैंने बालु तरिम्।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

याकूब 2:22

अब्राहामइ बिश्‍वासउँइँलेन् छाबै के लइ। छले चइ लबै केउँइँलेन् चए बिश्‍वास क्ह्रोंसेंन्बै मुँन बिब् सेइ।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।

१ यूहन्‍ना 4:17

छतसि निसाफ लबै त्हिंइर ङ्यो ङ्हिंल् आत्हुरिगे बिसि खीजी ङ्योए फिर क्ह्रोंसेंन म्हाँया लइमुँ। ख्रीष्‍टजी ह्‍युलर छ्ह थोब् धोंलेन् ङ्योज्‍यै या छ्ह थोबइले ङ्यो ङ्हिंल् आत्हु।

१ यूहन्‍ना 4:18

परमेश्‍वरजी ङ्योलाइ म्हाँया लम्। छतसि ङ्यो खीने ङ्हिंरिल् आत्‍हु। ङ्योए फिर लबै खीए थेबै म्हाँयाजी ङ्योलाइ ङ्हिंन् लबै सै खीजी स्‍योवाम्। छतसि “ङइ सजैं योंम् उ?” बिसि अझै ङ्हिंरिब्मैंइ परमेश्‍वरए म्हाँयाए बारेर छेनाले आक्‍होइमुँ।

१ यूहन्‍ना 5:2

छतसि ङ्योइ परमेश्‍वरलाइ म्हाँया लसि खीजी बिबै ताँमैं ङिंस्याँ ङ्योइ खीए प्‍हसेमैंलाज्यै या सैं न्होंउँइँलेन् म्हाँया लल् त्हुम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

२ यूहन्‍ना 1:6

च म्हाँया तो जा बिस्याँ खीजी बिब् धोंले ङ्योइ प्रब् ग। खीजी तो बिइ बिस्याँ क्हेमैंइ सैं न्होंउँइँलेन् म्हाँया लल् त्हम्। च ताँ क्‍हेमैंइ ओंसों ओनोंन् थेइमुँ।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 14:12

दिलेया परमेश्‍वरए म्‍हिमैं बिस्याँ आङ्हिंन्ले ढुक्‍क तसि बिश्‍वासर भोंब तल् त्हुम्।