१ यूहन्‍ना 2:25 - परमेश्‍वरए ताँ तमु क्युइर

²⁵ धै ख्रीष्‍टजी ङ्योने बाछा फैसि पिंम् बिबै सै खोंयोंइ आखाँबै छ्ह ग!

१ यूहन्‍ना 2:25 ပူးပေါင်းရင်းမြစ်များ

लूका 18:30

चइ चु जुगर्न अझै च भन्दा ल्‍हें योंब्‍मुँ। धै तारे खबै जुगरै या खोंयोंइ आखाँबै छ्ह योंब्‍मुँ।”

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

यूहन्‍ना 12:50

खीजी ल्हैदिबै ताँउँइँले म्हिमैंइ खोंयोंइ आखाँबै छ्ह योंम् बिसि ङइ सेइमुँ। छतसि आबाजी ल्हैदिब् धोंलेन् ङइ पोंम्।”

यूहन्‍ना 3:15

छलेन ङ म्हिए च्‍हए फिर बिश्‍वास लब्मैंइ खोंयोंइ आनुबै छ्‍ह योंरिगे बिसि ङलाज्यै या क्वेल् त्हुब्मुँ।

यूहन्‍ना 5:39

“परमेश्‍वरए छ्वेर खोंयोंइ आखाँबै छ्ह योंम् बिसि क्‍हेमैंइ म्हैरिम्, ङए बारेर ग्वाइ पिंबम् परमेश्‍वरए छ्वे ग।

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

यूहन्‍ना 6:47

क्ह्रोंसेंन ङ क्हेमैंने बिमुँ, ङए फिर बिश्‍वास लब्मैंने खोंयोंइ आखाँबै छ्‍ह मुँ।

यूहन्‍ना 6:54

ङए ज्यु चब्‍मैं नेरो ङए को थुँब्‍मैंने खोंयोंइ आखाँबै छ्ह मुँ, छतसि ह्‍युलर्बै आखिरि त्हिंइर ङइ चमैं सोगों लमिंब्मुँ।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

रोमी 2:7

तोन् तलेया छ्याँबै के लसि स्‍याबासि, इजेत नेरो खोंयोंइ आखाँबै छ्ह म्‍हैब्मैंलाइ परमेश्‍वरजी खोंयोंइ आखाँबै छ्ह पिंब्‍मुँ।

रोमी 5:21

पापइ लमा खैले म्हिमैं सिल् त्हुइ, छलेन परमेश्‍वरए दयाम्हाँयाजी लमा खीजी ङ्योलाइ ठिक ठर्दिमिंइमुँ, धै प्रभु येशू ख्रीष्‍टउँइँले ङ्योइ खोंयोंइ आखाँबै छ्ह योंइमुँ।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

गलाती 6:8

खाबइ ह्रोंसए आछ्याँबै सैंउँइँले आछ्याँबै इच्‍छाए केमै लमुँ, च नास तयाब्‍मुँ, दिलेया खाबइ पबित्र प्ल्हजी बिब् धोंबै केमैं लमुँ, चइ पबित्र प्ल्हउँइँलेन् खोंयोंइ आखाँबै छ्ह योंब्‍मुँ।

१ तिमोथी 1:16

धै पापिमैं न्होंरि ताँन् भन्दा ल्हें पाप लबै म्‍हि ङ मुँनबिलेया खीए फिर बिश्‍वास लसि खोंयोंइ आखाँबै छ्ह योंब्‍मैं ताँनए ल्हागिर ङ नमुना तरिगे बिसि येशू ख्रीष्‍टए सैदिबै शक्‍ति ङउँइँले म्हिमैंइ म्रोंरिगे बिसि परमेश्‍वरजी ङए फिर ल्हयो लइ।

१ तिमोथी 6:12

खोंयोंइ आखाँबै छ्ह योंबै ल्हागिर बिश्‍वासर भोंब् तद्। चुए ल्हागिर्न परमेश्‍वरजी क्हिलाइ त्‍हाँब् ग, चु ताँए बारेर्न क्हिइ लबै बिश्‍वासए ग्वाइ क्हिइ ल्‍हें म्‍हिमैंए उँइँर पिंल।

१ तिमोथी 6:19

छले ह्रोंसए ल्हागिर चमैंइ लिउँइँबै जग भोंब् लरिगे, धै खोंयोंइ आखाँबै छ्ह योंल् खाँरिगे।

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

१ यूहन्‍ना 1:2

खी चु ह्‍युलर मुँमा ङिइ खीलाइ म्रोंल, छतसि खीए बारेर ङिइ ग्वाइ पिंम्। च खोंयोंइ आखाँबै छ्ह ओंसों ओंनोंन् परमेश्‍वर आबाने मुँल, धै तिंजोरो ङ्यो ङाँर म्रोंयुइ बिसि ङिइ क्हेमैंने बिम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।