१ यूहन्‍ना 2:24 - परमेश्‍वरए ताँ तमु क्युइर

²⁴ छतसि क्‍हेमैंइ ओंसों ओनोंन् थेबै ताँ सैं न्‍होंर थेंरिद्। क्‍हेमैंइ च ताँ सैं न्‍होंर थेंइ बिस्‍याँ क्‍हेमैं च्‍ह नेरो आबाने घ्रिन् तसि खोंयोंन् बिलै बालुन् टिब्‍मुँ।

१ यूहन्‍ना 2:24 ပူးပေါင်းရင်းမြစ်များ

भजनमैं 119:11

क्हिए बिरोधर ङइ पाप आलरिगे बिसि क्हिजी बिबै ताँमैं ङए सैं न्होंर जोगेसि थेंइमुँ।

हितोपदेश 23:23

क्ह्रोंसेंन्बै ताँ किंनु, धै च आचुँन्; सिरसुबास मुँब नेरो ताँ क्होबै म्हि तदु।

लूका 1:2

ओंसों ओंनोंन् चु ताँन् ताँ म्रोंब नेरो येशूउँइँले खबै सैं तोंबै ताँ बिमिंबै म्‍हिमैंइ च ताँमैं ङ्योलाइ सेल् पिंल। छतसि चमैंउँइँले ल्हें ताँमैं योंसि म्‍हिमैंइ प्‍ह्रिना।

लूका 9:44

“ङइ बिबर होंबै ताँ क्हेमैंइ छेनले सैंर थेंन्, तलेबिस्याँ म्‍हिमैंइ ङ म्हिए च्हलाइ म्‍हिमैंए योर सुम्‍पिदिवाब्‍मुँ।”

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 15:7

क्‍हेमैं ङने टिइ बिस्याँ, धै ङए ताँ क्हेमैंए सैं न्होंर थेंइ बिस्याँ, क्हेमैंइ तो ह्रिदा ङ्हाँमुँ ह्रिद्, परमेश्‍वरजी क्हेमैंए ल्हागिर पिंब्मुँ।

यूहन्‍ना 6:56

ङए ज्यु चब्मैं नेरो ङए को थुँब्मैं ङने तरिम्, धै ङ चमैंने बालु तरिम्।

यूहन्‍ना 8:25

चमैंइ खीने “छ बिस्‍याँ क्‍हि खाब जा?” बोसि ङ्योएमा येशूजी चमैंने बिइ, “ङ जोगेमिंबै म्रुँ ख्रीष्‍ट ग बिसि ङइ ओंसों ओंनोंन् क्हेमैंने बिइना मुँ।

फिलिप्पी 4:15

ओंसों ङ माकेडोनिया ह्‍युलउँइँले ह्‍यामाइ या घ्याँ खर्ज पिंसि ङलाइ क्‍हेमैंइ ल्होइ, अरू खाबज्‍यै आल्हो बिब क्‍हेमैं फिलिप्‍पीथेंमैंइ सेइमुँ।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

हिब्रू 3:14

ङ्योइ ओंसों लब् धोंबै बिश्‍वास लिउँइँ समन् लरिस्याँ, ङ्योइ ख्रीष्‍टने बालुन् परमेश्‍वरजी पिंबै हग योंब्‍मुँ।

१ यूहन्‍ना 1:3

क्हेमैं या ङिने बालु सैं घ्रिन् तसि प्रल् खाँरिगे बिसि ङिइ थेबै ताँ नेरो म्रोंबै ताँ क्‍हेमैंने बिम्। परमेश्‍वर आबा नेरो खीए च्‍ह येशू ख्रीष्‍टने ङ्यो सैं घ्रिन् तसि प्रम्।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 2:7

ओ ङए खोबै थुमैं, चु प्ह्रिछ्यार ङइ क्‍हेमैंलाइ छारा ताँ तोइ आप्‍ह्रिइमुँ, ओंसों ओंनोंन् क्हेमैंने था सेबै ताँमैंन् प्‍ह्रिरिइमुँ। ख्रीष्‍टने प्रब् ओनोंन् चु ताँ क्‍हेमैंइ था सेल। “घ्रिइ घ्रिने सैं न्होंउँइँलेन् म्हाँया लद्” बिबै चु ताँ क्‍हेमैंइ ओंसोंन् थेइमुँ।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।

१ यूहन्‍ना 4:13

परमेश्‍वरजी ङ्योलाइ खीए प्ल्ह पिंबइले “ङ्यो परमेश्‍वरने घ्रिन् तसि टिमुँ, धै परमेश्‍वर ङ्योने घ्रिन् तसि टिम्” बिसि ङ्योइ क्ह्रोंसेंन्लेन् था सेम्।

१ यूहन्‍ना 4:15

येशून् परमेश्‍वरए च्‍ह ग बिब्मैं परमेश्‍वरने घ्रिन् तसि टिम्, धै परमेश्‍वर चमैंने घ्रिन् तसि टिम्।

१ यूहन्‍ना 4:16

छले परमेश्‍वरजी ङ्योए फिर म्हाँया लम् बिब् क्होसि ङ्योइ च म्हाँयारन भर थेंइमुँ। परमेश्‍वरजी म्हाँया लम्। छतसि म्हाँया मुँबै के लबै म्हि परमेश्‍वरने घ्रिन् तसि टिमुँ, धै परमेश्‍वर चने घ्रिन् तसि टिम्।

२ यूहन्‍ना 1:2

तलेबिस्याँ च क्ह्रोंसेंन्‍बै ताँ ङ्योने बालु टिम्, झाइले खोंयोंन् बिलै ङ्योने टिरिब्मुँ।

२ यूहन्‍ना 1:9

ख्रीष्‍टजी बिब् धोंले आप्रब, खीजी बिबै ताँए फिरि अरू ताँ थप्‍दिब्‍मैंने परमेश्‍वर आटि। दिलेया खीजी बिब् धोंले प्रब्मैंने बालु परमेश्‍वर आबा नेरो च्‍ह ङ्हिंना ङ्हिंन् टिम्।

३ यूहन्‍ना 1:3

क्‍हि क्ह्रोंसेंन्लेन् परमेश्‍वरए घ्याँर प्रइमुँ बिबै ग्वाइ चुर खबै अलिमैंइ पिंमा ङ बेल्‍ले सैं तोंइ। क्ह्रोंसेंन क्‍हि खोंयोंन् बिलै क्ह्रोंसेंन्बै घ्याँर प्रम्।

दर्शन 3:11

ङ युनन् युम्। क्हेमैंइ ट्होसि योंल् त्हुबै इनाम खाबज्‍यै क्हेमैंउँइँले प्‍हेंइ बोल् आखाँरिगे बिसि क्हेमैंइ तो ताँर बिश्‍वास लइमुँ, च ताँर्न अझै छेनाले बिश्‍वास लद्।

दर्शन 3:3

छतसि क्‍हेमैंइ तो लोइ, तो थेइ, च ताँ मैंन्। च ताँइ बिब् धोंले के लसि पाप लबउँइँले सैं एद्। क्‍हि न्ह क्रों मि क्रों आतइबिस्याँ ह्‍यो खब् धोंले क्‍हेमैंइ था आसेल्‍ले ङ युब्‍मुँ।