१ यूहन्‍ना 2:12 - परमेश्‍वरए ताँ तमु क्युइर

¹² ओ ङइ खोबै कोलोमैं, ख्रीष्‍टए मिंउँइँले क्‍हेमैंइ ताँन् पापए क्षमा योंइमुँ, छतसि ङइ क्हेमैंलाइ चु ताँ प्‍ह्रिरिइमुँ।

१ यूहन्‍ना 2:12 ပူးပေါင်းရင်းမြစ်များ

भजनमैं 106:8

बिरोध ललेया ह्रोंसए बेल्‍ले थेबै शक्‍ति म्रोंरिगे बिसि, खीजी ह्रोंसए मिंए आब्रु जोगेबै ल्हागिर चमैं जोगेमिंइ।

भजनमैं 25:11

ओ याहवेह, ङइ आछ्याँबै केमैं ल्हें लइ। ङलाइ क्षमा पिंन्, तलेबिस्याँ क्हि क्षमा पिंबै परमेश्‍वर ग।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

लूका 5:20

चमैंए च्हौ थेबै बिश्‍वास म्रोंसि येशूजी च नबै म्हिने बिइ, “ओ बाबु, क्‍हिए पाप क्षमा तइ।”

चेला चिब्मैंए केमैं 10:43

स्योंम्बै अगमबक्‍तामैंइ ‘खीए फिर बिश्‍वास लब्मैं ताँनइ खीए मिंउँइँले पाप क्षमा योंम्,’ बिसि खीए ग्वाइ पिंइँमुँ।”

चेला चिब्मैंए केमैं 13:38

“छतसि, ओ आघें-अलिमैं, चु येशूउँइँलेन् पापए क्षमा तम् बिसि क्हेमैंइ सेल् त्हुम्।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 4:32

धै परमेश्‍वरजी ख्रीष्‍टर क्हेमैंलाइ क्षमा लब् धोंले क्हेमैंज्यै या घ्रिइ घ्रिलाइ क्षमा लसि घ्रिइ घ्रिए फिर सैं प्ल्हसि ल्हयो खद्।

कलस्सी 1:14

खीजीन् ङ्योए पाप क्षमा लमिंसि ङ्यो जोगेमिंइमुँ।

१ यूहन्‍ना 1:4

छतसि ङ्यो ताँन् बेल्‍ले सैं तोंल् योंरिगे बिसि क्‍हेमैंए ल्हागिर ङिइ चु ताँ प्‍ह्रिइमुँ।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 1:9

दिलेया खीजी फैबै बाछाइ बिब् धोंले परमेश्‍वरजी लम् धै ठिक निसाफ लम्। छतसि “ङिइ पाप केमैं लइमुँ” बिसि ङ्योइ खी ङाँइ सैं एइबिस्‍याँ खीजी ङ्योए पापमैं क्षमा लमिंसि ताँन् पापउँइँले ख्रुमिंम्।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।

१ यूहन्‍ना 2:21

क्‍हेमैंइ क्ह्रोंसेंन्बै ताँ आसेइमुँ बिसि ङइ चु प्ह्रिछ्या प्‍ह्रिब आङिं, दिलेया क्‍हेमैंइ येशूए बारेर्बै क्ह्रोंसेंन्बै ताँ सेइमुँ। धै क्ह्रोंसेंन्बै ताँउँइँले स्योलिबै ताँ आख बिबै या क्‍हेमैंइ था सेइमुँ। छतसि ङइ चु प्ह्रिछ्या प्‍ह्रिब् ग।

१ यूहन्‍ना 2:7

ओ ङए खोबै थुमैं, चु प्ह्रिछ्यार ङइ क्‍हेमैंलाइ छारा ताँ तोइ आप्‍ह्रिइमुँ, ओंसों ओंनोंन् क्हेमैंने था सेबै ताँमैंन् प्‍ह्रिरिइमुँ। ख्रीष्‍टने प्रब् ओनोंन् चु ताँ क्‍हेमैंइ था सेल। “घ्रिइ घ्रिने सैं न्होंउँइँलेन् म्हाँया लद्” बिबै चु ताँ क्‍हेमैंइ ओंसोंन् थेइमुँ।