१ यूहन्‍ना 1:7 - परमेश्‍वरए ताँ तमु क्युइर

⁷ दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 1:7 ပူးပေါင်းရင်းမြစ်များ

भजनमैं 104:2

क्हिजी क्वें खिब् धोंले चारबै ह्‍वे पैरेइमुँ, क्हिजी तम्बु धोंले मु टौंदिइमुँ।

भजनमैं 51:2

ङइ लबै ताँन् आछ्याँबै केमैंउँइँले ङ फ्रेमिंन्, धै ङए पाप त्होमिंसि ङ चोखो लमिंन्!

भजनमैं 56:13

तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 89:15

ओ याहवेह, क्हिए छ्याँबै बयन लल् ह्रब्मैं आशिक योंम्, चमैं क्हिए ल्हयोए ह्‍वेर प्ररिम्।

भजनमैं 97:11

ठिक के लब्मैंए फिर परमेश्‍वरए ह्‍वे चारम्, धै छ्याँबै खों प्ह्‍याब्मैं सैं तोंल् योंब्मुँ।

मत्ती 6:12

ङिए फिर आछ्याँब् लब्मैंलाइ ङिइ क्षमा पिंल् खाँब् धोंले ङिइ लबै आछ्याँबै केमैंउँइँले ङि क्षमा पिंनु।

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 12:35

येशूजी चमैंने बिइ, “अझै तिस्याँदे समा चारबै ह्‍वे क्‍हेमैंनेन् तब्मुँ। मिछु खैबइ क्हेमैं आहुरिगे बिसि चारबै ह्‍वे क्हेमैंने मुँरिबर्न प्ररिद्। मिछु खैबर प्रबै म्हिइ ह्रोंस् खनिर ह्‍यारिइमुँ बिसि सेल् आखाँ।

यूहन्‍ना 5:4

तलेबिस्याँ खोंयों म्होंयों परमेश्‍वरए स्‍वर्गदूत घ्रि युसि ह्राए क्‍यु लामिंमल। धै क्‍यु लाबै त्हेर ओंसों क्युर होंबै म्हिला खैबै नब् छब् मुँलेना च नबै म्हि सयामल।]

रोमी 13:12

म्‍हुँइँस ह्‍याल् खाँइ, तारे त्हिंयाँ प्रेबर होंइमुँ। छतसि मिछु खैबर लबै केमैं पिवाद्। बरु परमेश्‍वरए ह्‍वेर टिसि छ्याँबै के लद्, हत्‍यारमैं छेसि पापने नेद्।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

एफिसी 1:7

ङ्योइ लबै पाप त्होमिंबै ल्हागिर ख्रीष्‍टजी को बग्दिसि ङ्योलाइ खामिंइ, ङ्योए आछ्याँबै केमैं क्षमा लमिंइ। परमेश्‍वरए दयाम्हाँया बेल्‍ले थेब् मुँ!

एफिसी 5:8

ओंसों क्हेमैं मिछु खैबर मुँल, दिलेया तिंजोरो प्रभुए म्‍हिमैं तबइले क्‍हेमैं या खीए ह्‍वेर टिइमुँ। खीए ह्‍वेर टिसि छ्याँबै छ्ह थोद्।

१ तिमोथी 6:16

परमेश्‍वर खोंयोंइ बिलै सोगों मुँ, खी खाबै ह्‍याल् आखाँबै चारबै ह्‍वेर टिमुँ, खीलाइ खाबज्यै या खोंयोंइ आम्रोंइमुँ, म्रोंलैया आखाँ। छाबै परमेश्‍वरए मिं खोंयोंइ बिलै थेब् तरिगे, खीए ग्याल्स खोंयोंन् बिलै तरिगे। आमेन, छान् तरिगे!

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

याकूब 1:17

तलेबिस्याँ ताँन् छ्याँबै दान बरदानमैं त्हिंयाँ नेरो लयाँ बनेबै परमेश्‍वरउँइँले युम्। तलेबिस्याँ खी खोंयोंइ ङ्हरि कुरि आत।

१ पत्रुस 1:19

दिलेया तोइ खोट नेरो तोइ छ्याब् आरेबै क्यु झज धों तसि ख्रीष्‍टजी को पिंसि क्हेमैंलाइ खामिंइमुँ।

१ यूहन्‍ना 1:3

क्हेमैं या ङिने बालु सैं घ्रिन् तसि प्रल् खाँरिगे बिसि ङिइ थेबै ताँ नेरो म्रोंबै ताँ क्‍हेमैंने बिम्। परमेश्‍वर आबा नेरो खीए च्‍ह येशू ख्रीष्‍टने ङ्यो सैं घ्रिन् तसि प्रम्।

१ यूहन्‍ना 1:5

परमेश्‍वरए च्‍ह येशूउँइँले ङिइ थेबै चु ताँ ङिइ क्‍हेमैंने बिमिंम्: परमेश्‍वर चारबै ह्‍वे ग, खीने तिफुँइ पाप आरे।

१ यूहन्‍ना 5:6

येशू ख्रीष्‍टजी क्युर प्ल्हुँसि बप्‍तिस्‍मा किंइ, धै क्रूसर सिमिंसि ह्रोंसए को पिंइ। छतसि खी म्हि तसि ह्‍युलर युइ बिबै ग्वाइ पिंब्मैं क्यु नेरो को ग। क्युउँइँले मत्‍त्रे आङिं, क्यु नेरो कोउँइँले युइ। खीए ग्वाइ पबित्र प्ल्हज्यै या ग्वाइ पिंइमुँ, तलेबिस्याँ पबित्र प्ल्हजी स्योर आते।

१ यूहन्‍ना 5:8

पबित्र प्ल्ह, क्‍यु नेरो को, चुमैं सोंइ ताँ घ्रिलेन् खीए ग्वाइ पिंम्।

२ यूहन्‍ना 1:4

परमेश्‍वर आबाजी ङ्योलाइ बिब् धोंलेन् क्हिए को-कोइ कोलोमैं क्ह्रोंसेंन्‍बै घ्‍याँर प्रबै ताँ था सेसि ङ बेल्‍ले सैं तोंइमुँ।

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 12:11

ङ्योए अलि-अङाँमैंइ क्‍यु च्हजए को नेरो खेंमैंइ पिंबै ग्वाइउँइँले च दुष्‍टए फिर ट्होइमुँ, तलेबिस्याँ खेंमैंए ज्युए म्हाँया आलल्‍ले चमैं सिबरै या तयार मुँल।

दर्शन 7:14

ङइ चने बिइ, “ओ चिब, ङलाइ था आरे। चु ताँ क्‍हिजीन् सेइमुँ।” चइ ङने बिइ, “चमैं थेबै दुःख सैदिसि खब्‍मैं ग। चमैंइ ह्रों-ह्रोंसए क्‍वेंमैं क्‍यु च्हजए कोर ख्रुसि फोस्रे ब्योंब लइमुँ।