१ कोरिन्थी 9:7 - परमेश्‍वरए ताँ तमु क्युइर

⁷ फौजर मुँमा सिपाइमैंइ ह्रोंसए खर्जर्न के लम् रो वा? अँगुरए धुँ रुँइँसि अँगुरए रो आचब खाब मुँ? छलेन र-क्‍युमैं न्हसि चए ङ्‍हे आथुँब खाब् मुँ?

१ कोरिन्थी 9:7 ပူးပေါင်းရင်းမြစ်များ

हितोपदेश 27:18

तोंबु धुँलाइ छेनाले ङ्‍ह्‍योबै म्हिइन चए रो चब्मुँ, छलेन ह्रोंसए क्ल्हेए सेवा लबै म्हिइन मान योंब्मुँ।

हितोपदेश 27:27

झाइले क्हि नेरो क्हिए परवाइ चबै ल्हागिर, नेरो क्हिए केब्स्योमैं न्हबै ल्हागिर क्हिए रमैंए ङ्‍हेइ योब्मुँ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ तिमोथी 1:18

ओ ङए च्ह तिमोथी, ङइ क्‍हिने बिमुँ, अगमबक्‍तामैंइ ओंसों क्‍हिए बारेर बिबै तामैंउँइँले भों योंसि बिश्‍वासर छ्याँबै सैं लसि छेनाले के लल् खाँब् तद्।

१ तिमोथी 6:12

खोंयोंइ आखाँबै छ्ह योंबै ल्हागिर बिश्‍वासर भोंब् तद्। चुए ल्हागिर्न परमेश्‍वरजी क्हिलाइ त्‍हाँब् ग, चु ताँए बारेर्न क्हिइ लबै बिश्‍वासए ग्वाइ क्हिइ ल्‍हें म्‍हिमैंए उँइँर पिंल।

२ तिमोथी 4:7

ङए छ्हर खैतबै दुःख तलेया ङइ सैदिइ। धै ङइ लल् त्हुबै के छेनाले लइ। छले ङए फिर खैतबै दुःख तलेया ङइ बिश्‍वास लब आपि।

१ पत्रुस 5:2

परमेश्‍वरजी क्‍हेमैंए जिम्‍मार थेंबै बगालए छैं छेनाले लद्। करइ आङिं, ह्रोंसए सैंइन म्रोंसि लद्। मुइए लोबै आङिं, चु ङइ लल् त्हुबै ङए जिम्‍मार्बै के ग बिब् मैंसि लद्।