१ कोरिन्थी 9:5 - परमेश्‍वरए ताँ तमु क्युइर

⁵ पत्रुस, प्रभु येशूए अलिमैं नेरो अरू कुल्मिंबै चेला चिब्मैं धोंलेन् ङज्यै या प्रभु येशूए फिर बिश्‍वास लबै च्हमिरि ब्ह्‍या लसि प्रल् आयों रो वा?

१ कोरिन्थी 9:5 ပူးပေါင်းရင်းမြစ်များ

मत्ती 13:55

चुम् सिंए के लबै म्हिए च्‍ह आङिं वा? चुए आमाए मिं मरियम आङिं वा? धै याकूब, योसेफ, सिमोन नेरो यहूदा चुए अलिमैं आङिं वा?

मत्ती 8:14

च लिउँइँ येशू पत्रुसए धिंर ह्‍यामा पत्रुसए स्‍युमिं जर खसि रोरिब् म्रोंइ।

मर्कूस 1:30

चर सिमोनए स्‍युमि बेल्‍ले जर खसि क्‍ल्‍ह्‍योर रोरिल। छतसि येशू फेनेबै तोंदोंन् सिमोनइ ङए स्युमि नइमुँ बिइ।

मर्कूस 6:3

चुम् सिंए के लबै म्हि आङिं वा? चु मरियमए च्‍ह, याकूब, योसेफ, यहूदा नेरो सिमोनए आघें, आङिं वा? खीए अङाँमैं या चुर्न मुँ!” छ बिसि चमैंइ खी म्हि आच्हिन् लइ।

लूका 6:15

मत्ती, थोमा, अल्‍फयसए च्‍ह याकूब नेरो सिमोन, (चने “ह्रोंसए ह्‍युललाइ म्‍हाँया लबै म्हि या” बिमल)।

लूका 8:20

छतमा म्‍हि घ्रिइ येशूने बिइ, “क्‍हिए आमा नेरो अलिमैं क्हिने त्होबै सैं लसि बैरु रारिइमुँ।”

यूहन्‍ना 1:42

अन्द्रियासइ सिमोन येशू ङाँर पखइ। येशूजी च ङाँइ ङ्‍ह्‍योसि बिइ, “क्हि योआनेसए च्ह सिमोन ग, दिलेया ङइ क्हिने केफास बिब्मुँ।” (केफासए अर्थ युमा ग। ग्रिक क्युइरि पत्रुस बिम्।)

यूहन्‍ना 2:12

च लिउँइँ खी ह्रोंसए आमा, अलिमैं नेरो चेलामैंने कफर्नहुम नाँसर ह्‍यासि दे त्हिंइ चर्न टिइ।

चेला चिब्मैंए केमैं 1:14

कोइ च्हमिरिमैं नेरो येशूए आमा मरियम, येशूए अलिमैंने बालु सैं घ्रि तसि खोंयोंन् बिलै प्राथना लरिमल।

रोमी 16:1

तारे ङ ङ्योए अङाँ फिबिलाइ क्‍हेमैंने ङो सेब् मिं सेब् लमिंम्। चइ किंक्रिया नाँसर्बै बिश्‍वासीमैंलाइ ल्होमिंम्।

१ कोरिन्थी 1:12

क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 7:15

दिलेया बिश्‍वास आलबै मुँयुँ अथवा च्हमिरिइ फ्रेयाबै सैं लस्‍याँ फ्रेयारिगे। छ तस्याँ बिश्‍वासी म्हि चए न्होंर टिल् आत्हु, तलेबिस्याँ परमेश्‍वरजी ङ्योलाइ शान्तिर टिबर त्‍हाँब् ग।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

१ कोरिन्थी 7:7

ङए सैंरम् क्‍हेमैं ताँन् ङ धोंलेन् ब्ह्‍या आलल्‍ले टिरिगे ङ्हाँइमुँ। दिलेया ताँन् म्हिलाइ परमेश्‍वरजी स्‍यो-स्‍योबै बरदान पिंइमुँ। कोइलाइ घ्रि खालर्बै बरदान पिंइमुँ बिस्याँ, कोइलाइ अर्कोन् खालर्बै बरदान पिंइमुँ।

१ कोरिन्थी 7:8

तारे ब्ह्‍या आलब्‍मैं नेरो म्हरेस्योमैंने ङ बिमुँ: क्‍हेमैं ङ धोंलेन् ब्ह्‍या आलल्‍ले टिब ठिक मुँ।

गलाती 1:19

दिलेया चर प्रभुए अलि याकूबलाइ मत्‍त्रे ङइ त्होइ, अरू कुल्मिंबै चेला चिब खाबलाज्यै या आत्‍हो।

१ तिमोथी 3:2

छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

१ तिमोथी 5:2

धै छमिंमैंने छ्याँबै सैंउँइँले ह्रोंसए रिंने धोंले ब्यबर लद्।

तीतस 1:6

क्हिइ त्हाँबै चिब्मैं तोइ छ्याब् आरेब, प्ह्रेंस्यो घ्रि मत्‍त्रे मुँब तल् त्‍हुम्। चए प्‍हसेमैं या बिश्‍वासीमैं मुँल् त्‍हुम्, चमैं बिब् आङिंब, आछ्याँबै बानि ब्योर मुँब आत।

हिब्रू 13:4

ताँन् म्हिमैंए उँइँर ब्ह्‍या इजेत मुँल्‍ले तल् त्हुम्। ब्ह्‍या लल् खाँबै लिउँइँ मुँयुँमैं खाबज्यै या छमिं न्हल् आत, छलेन च्हमिरिमैंज्यै या फ्रें क्ल्योंल् आत, तलेबिस्याँ छाबै के लब्मैंए फिर परमेश्‍वरजी थेबै दण्ड पिंम्।