१ कोरिन्थी 9:24 - परमेश्‍वरए ताँ तमु क्युइर

²⁴ चु ताँ क्‍हेमैंज्यै सेइमुँ: न्हेबर भाग किंब्मैं ताँन् न्हेम्, दिलेया पुरस्‍कार घ्रिइ मत्‍त्रे योंम्। छतसि क्हेमैं या पुरस्‍कार योंल् खाँल्‍ले न्हेद्।

१ कोरिन्थी 9:24 ပူးပေါင်းရင်းမြစ်များ

भजनमैं 19:5

च त्हिंयाँ ब्ह्‍याए जग्‍यउँइँले पैरेसि त्होंइ खबै प्ह्रेंरो धों तब् मुँ, ट्होइ खबै म्हि सैं तोंब् धोंलेन् ह्रोंसए के लबर च सैं तोंम्।

रोमी 6:16

क्हेमैंइ ह्रोंसलाइ खाबै योर पिंवाँमुँ? चए केब्छैंन् क्हेमैं तल् त्‍हुम्। पापए केब्छैं तसि चइ बिब ङिंइ बिस्याँ क्हि सिल् त्हुब्मुँ, दिलेया परमेश्‍वरजी बिब ङिंइ बिस्याँ खीए उँइँर क्‍हेमैं ठिक ठर्दिब्मुँ।

१ कोरिन्थी 9:13

मन्दिरर के लबै म्‍हिइ मन्दिरर खबै सैमैंउँइँलेन् चल् योंम्, छलेन ख्रो पिंबै क्ल्ह्‍योर के लबै म्‍हिमैंइ ख्रो पिंबै सैउँइँलेन् ह्रोंसए भाग योंम्।

१ कोरिन्थी 9:23

चु सैं तोंबै ताँ खन्तोंदोंन् फेनेरिगे धै चु ताँउँइँले योंबै आशिक ङज्यै या योंरिगे बिसि ङइ छ लम्।

१ कोरिन्थी 9:26

छतसि तोक्‍दिबै क्‍ल्‍ह्‍योर आफेनेन् समा ङ न्हेम्। खैंर मुड्किइ ल्हिब्मैंइ धोंले ङ मुड्किइ आल्हि।

गलाती 2:2

परमेश्‍वरजी ङने चर ह्‍याद् बिबइले ङ ह्‍याइ। ङइ लरिबै के खेरो आह्‍यारिगे बिसि खाबज्यै आसेल्‍ले चर्बै चिब्मैंने मत्‍त्रे ङइ अरू ह्रेंमैंलाज्यै बिमिंबै सैं तोंबै ताँमैंए बारेर बिइ।

गलाती 5:7

ओंसों क्‍हेमैं छेनालेन् प्ररिल। तोगो खाबइ क्‍हेमैंलाइ चु क्ह्रोंसेंन्बै छ्याँबै घ्‍याँर प्रल् आपिं?

फिलिप्पी 2:16

क्‍हेमैंलाइ छ्ह पिंबै परमेश्‍वरए ताँ भोंन्ले क्हाथेंन्। छले क्हाथेंस्याँ येशू ख्रीष्‍ट युबै त्हिंइर ङइ क्हेमैंए ल्हागिर लबै दुःख छलेन् खेरो आह्‍याना बिसि ङए सैं तोंब्मुँ।

फिलिप्पी 3:12

ङइ चु ताँन् सै योंल् खाँइमुँ धै ङइ लल् त्हुबै ताँन् के लल् खाँइमुँ बिसि आङिं, दिलेया फेल् त्हुबै क्ल्ह‍योर फेबै ल्हागिर ङ अझै ओंसों बडिरिइमुँ। च फेल् त्हुबै क्ल्ह‍योर ङ फेरिगे बिसि ख्रीष्‍ट येशूजी ङलाइ ओंसोंन् त्हाँइ।

फिलिप्पी 3:14

छतसि परमेश्‍वरजी ख्रीष्‍ट येशूर थेंमिंबै स्वर्गर्बै आशिक योंबर फेल् त्हुबै क्ल्ह्‍योर फेबै ल्हागिर ङ भोंन्ले ओंसों बडिसेन्मुँ।

कलस्सी 2:18

को-कोइइ “ह्रोंसन् च्‍योंब् तसि स्‍वर्गदूतमैंलाइ म्‍हाँदिल् त्‍हुम्,” बिम्। “ङिइ थेबै दर्शन म्रोंइ” बिसि प्हैंम्, चमैंइ खेंमैंए आछ्याँबै सैंइ तोन-तोर्न थेब् प्‍हैंम्। छतसि चमैंइ क्‍हेमैंइ योंल् त्हुबै इनाम योंल् आखाँन् आलरिगे।

हिब्रू 12:1

ङ्योए खागु च्‍हौ ल्‍हें म्हि साक्षि मुँबइले, ताँन् खालर्बै दुःख नेरो ङ्योलाइ क्होइ थेंबै पाप स्योवासि तौदिबै क्‍ल्‍ह्‍योर आफेन् समा ङ्यो ढुक्‍कले न्हेले।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

दर्शन 3:11

ङ युनन् युम्। क्हेमैंइ ट्होसि योंल् त्हुबै इनाम खाबज्‍यै क्हेमैंउँइँले प्‍हेंइ बोल् आखाँरिगे बिसि क्हेमैंइ तो ताँर बिश्‍वास लइमुँ, च ताँर्न अझै छेनाले बिश्‍वास लद्।