१ कोरिन्थी 9:22 - परमेश्‍वरए ताँ तमु क्युइर

²² छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

१ कोरिन्थी 9:22 ပူးပေါင်းရင်းမြစ်များ

रोमी 11:14

चु केइ लमा ह्रोंसए ह्रेंर्बै म्‍हिमैंज्‍यै या क्‍हेमैं म्रोंसि ह्रिस लसि को-कोइ परमेश्‍वर ङाँइ सैं एल् खाँलै।

रोमी 14:1

बिश्‍वासर आभोंब्मैंलाइ म्हाँया लसि ह्रोंसए संगतिर टिल् पिंन्। दिलेया चमैंइ पोंबै ताँर छ्याब् ल्हैदिसि प्होंगि मिबै के आलद्।

रोमी 14:2

तलेबिस्याँ को-कोइइ तोन्दोंरि सै चल् तम् बिम्, दिलेया बिश्‍वासर आभोंब्‍मैंइ से चल् आत बिम्, छतसि चमैंइ ट्हा ट्हु मत्‍त्रे चम्।

रोमी 15:1

ङ्यो बिश्‍वासर भोंसि तब्‍मैंइ बिश्‍वासर आभोंबै अलिमैंइ संका लबै ताँमैं सैदिल् त्‍हुम्। छलेन ङ्योइ ह्रोंस मत्‍त्रे सैं तोंबै केमैं लल् आत,

रोमी 15:2

बरु ह्रोंसए अलिमैं प्रभुए फिर बिश्‍वास लबर भोंब तरिगे बिसि ङ्यो ताँनइ भों पिंल् त्‍हुम्,

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 7:16

ओ बिश्‍वासी च्हमिरि, क्‍हिइ आसे वा? ह्रोंसए अबिश्‍वासी प्‍युँलाइ परमेश्‍वरए घ्‍याँउँइँ डोरेल् खाँम् उ? छलेन ओ बिश्‍वासी मुँयुँ, क्‍हिइ आसे वा? ह्रोंसए अबिश्‍वासी प्ह्रेंस्योलाइ परमेश्‍वरए घ्‍याँउँइँ डोरेल् खाँम् उ?

१ कोरिन्थी 8:13

छतसि बिश्‍वासर आभोंबै अलिलाइ ङइ चबै सैइ पापर च्होवाम् बिस्‍याँ, कुर चडेबै सै ङइ खोंयोंइ चरिब् आरे।

१ कोरिन्थी 9:19

ङ खाबै न्होंरै या आरे, दिलेया खाँन् समा ल्हें म्हिइ येशू ख्रीष्‍टए फिर बिश्‍वास लरिगे बिसि ङ ताँनए के लबै म्हि धोंन् तइमुँ।

१ कोरिन्थी 9:23

चु सैं तोंबै ताँ खन्तोंदोंन् फेनेरिगे धै चु ताँउँइँले योंबै आशिक ङज्यै या योंरिगे बिसि ङइ छ लम्।

२ कोरिन्थी 11:29

तलेबिस्याँ दुःख योंब्मैं मुँस्‍याँ ङै या दुःख योंब् धोंन् तमल। खाबै या पापर च्होयास्याँ ङए सैंर बेल्‍ले न्हुँ खमल।

गलाती 6:1

ओ ङए अलि-अङाँमैं, खाबज्यै आछ्याँबै केमैं लब स्यास्याँ क्हेमैं पबित्र प्ल्ह मुँबै म्हिमैं च्योंने तसि चलाइ छ्याँबै घ्याँर पखल् त्हुम्। झाइले क्‍हेमैं या छाबै आछ्याँबै केर आफसेरिगे बिसि छेनाले मैंब च्हैंब लसि न्ह क्रों मि क्रोंले टिल् त्‍हुम्।