१ कोरिन्थी 9:10 - परमेश्‍वरए ताँ तमु क्युइर

¹⁰ म्हिमैंए ल्हागिरै या बिब् ग। चु ताँ ङ्योए ल्हागिर्न प्ह्रिब् ग। तलेबिस्याँ क्योबै म्हि नेरो दाँइ झोंबै म्हि ङ्हिंन-ङ्हिंनैन रा-रो योंम् बिबै आशार के लम्।

१ कोरिन्थी 9:10 ပူးပေါင်းရင်းမြစ်များ

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

रोमी 15:4

ङ्योए आशालाइ बडिबर धै ङ्योए फिर तो तलेया सैदिबै भों पिंबर परमेश्‍वरए छ्वेर प्‍ह्रिबै ताँन् ताँ ङ्योलाइ लोमिंबर प्‍ह्रिब् ग।

१ कोरिन्थी 3:9

ङि बालुन् परमेश्‍वरए के लब्मैं ग, क्‍हेमैं बिस्याँ छ्याँबै रोमैं रोमिंबै म्रों नेरो परमेश्‍वरए धिं ग।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ तिमोथी 2:6

झाइले दुःख तलेया छेनाले खेद् ल्हैदिबै म्हिइ खैलसेया ह्रोंसए बालिए रोमैं ओंसों योंल् त्हुम्।