१ कोरिन्थी 8:9 - परमेश्‍वरए ताँ तमु क्युइर

⁹ बरु छेन्ले मैंन्! क्हिइ तोइ आमैंन्ले कुर चडेबै सै चलेन् तम् बिसि चबइले बिश्‍वासर आभोंबै म्हिमैं पापर आच्होरिगे।

१ कोरिन्थी 8:9 ပူးပေါင်းရင်းမြစ်များ

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

रोमी 15:1

ङ्यो बिश्‍वासर भोंसि तब्‍मैंइ बिश्‍वासर आभोंबै अलिमैंइ संका लबै ताँमैं सैदिल् त्‍हुम्। छलेन ङ्योइ ह्रोंस मत्‍त्रे सैं तोंबै केमैं लल् आत,

१ कोरिन्थी 10:24

खाबज्यै या ह्रोंसल् मत्‍त्रे छ्याँब तरिगे बिसि आमैंन्, अरूमैंलाज्यै छ्याँब तरिगे बिसि मैंन्।

१ कोरिन्थी 10:28

दिलेया खाबै मुँले क्‍हेमैंने, “चु कुर चडेबै सै ग,” बिस्‍याँ च सै आचद्। तलेबिस्‍याँ, चु कुर चडेबै सै ग बिमिंबै म्‍हिए ल्हागिर नेरो चइ छ्याँब् नेरो आछ्याँब फेलल् खाँना बिब् मैंसि च सैमैं आचद्।

१ कोरिन्थी 10:29

क्‍हिइ छ्याँब् नेरो आछ्याँब फेलल् खाँमना बिसि बिब् आङिं, बिश्‍वासर आभोंबै अलि अङाँमैंए सैं आन्होंरिगे बिसि छ बिब् ग। “ङइ ताँन् के लबै हग मुँ। छतसि अरू म्‍हिमैंइ छ्याँब् आछ्याँब फेलल् खाँइ बिबर्न ङइ लदा ङ्हाँबै के आलब?”

१ कोरिन्थी 10:32

क्‍हेमैंइ छ्ह थोमा यहूदी मुँले, अरू ह्रेंमैं मुँले, परमेश्‍वरए फिर बिश्‍वास लब्मैं मुँले, खाबलाज्यै या सैं नल् लबै के आलद्।

१ कोरिन्थी 8:10

तलेबिस्याँ क्‍हिइ कुर चडेबै सै चलेन् तम् बिसि कु थेंबै मन्‍दिरर कुर चडेबै सैमैं चरिब बिश्‍वासर आभोंबै म्हिमैंइ म्रोंइ बिस्याँ चमैंज्‍यै या कुर चडेबै सै चलेन् तमना बिसि आचलै वा?

१ कोरिन्थी 8:12

छले क्हेमैंइ बिश्‍वासर आभोंबै अलिलाइ पापर च्होवासि ख्रीष्‍टए बिरोधर पाप लइमुँ।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

२ कोरिन्थी 11:21

ङिइमि छ लल् आखाँ, फा पिल् त्‍हुबै ताँ मुँ। दिलेया खाबज्‍यै या तो मुँले ताँर थेब् प्‍हैंम् बिस्याँ, ङै या बुद्धि आरेबै म्हि धोंले च ताँर्न थेब् प्हैंसि पोंम्।

२ कोरिन्थी 11:29

तलेबिस्याँ दुःख योंब्मैं मुँस्‍याँ ङै या दुःख योंब् धोंन् तमल। खाबै या पापर च्होयास्याँ ङए सैंर बेल्‍ले न्हुँ खमल।

२ कोरिन्थी 6:3

ङिइ परमेश्‍वरए सेवा लमा आगुइ ताँ सेन् आछेरिगे बिसि ङिइ खाबलाज्यै सैं नल् लबै के आल।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।

१ पत्रुस 2:16

क्‍हेमैं आछ्याँबै सैउँइँले फ्रेमिंबै म्हिमैं धोंले छ्ह थोद्। दिलेया आछ्याँबै सैउँइँले फ्रेमिंबै म्हिमैं ग बिसि ठिमए बिरोधर्बै केमैं आलद्। बरु परमेश्‍वरए के लबै म्हिमैं धोंले छ्ह थोद्।

२ पत्रुस 2:19

ङिइ क्हेमैं छ्याँबै घ्याँर डोरेस्यो बिसि चमैंइ म्हिमैंने बाछा फैमुँ, दिलेया खेंमैंन् आछ्याँबै घ्याँर प्रम्। तलेबिस्याँ म्‍हिइ तो सैलाइ सैं पिंमुँ, च सैए केब्छैं तसि चए न्होंर्न टिल् त्हुम्।

दर्शन 2:14

दिलेया क्हेमैंए बिरोधर को-कोइ ताँ ङइ बिल् त्हुइमुँ, तलेबिस्याँ क्हेमैंए न्होंर को-कोइ स्‍योंम्‍बै बालामए ताँए लिलि प्रब्मैं मुँ। स्योंम्बै इस्राएलीमैंलाइ पापर च्होवाबै ल्हागिर ‘चमैंलाइ कुर चडेबै सै चद्, झाइले ब्यभिचार लद् बिद्,’ बिसि बालामइ बालाक बिबै म्रुँलाइ लोमिंल।