१ कोरिन्थी 8:12 - परमेश्‍वरए ताँ तमु क्युइर

¹² छले क्हेमैंइ बिश्‍वासर आभोंबै अलिलाइ पापर च्होवासि ख्रीष्‍टए बिरोधर पाप लइमुँ।

१ कोरिन्थी 8:12 ပူးပေါင်းရင်းမြစ်များ

उत्पत्ति 20:9

छतमा अबीमेलेकइ अब्राहाम हुइसि बिइ, “क्हिइ ङिने तो लल् म्हैल? ङइ क्हिल तो न्होह्रों लवाइ? क्हिइ ङ नेरो ङए ह्‍युलए फिर च्हौ थेबै छ्याब खबै के तले तल् पिंल? क्हिइ ङने लल् आतबै के लइ!

उत्पत्ति 42:22

रूबेनइ चमैंने बिइ, “ङइ च कोलो तोइ आलद् बिसि क्हेमैंने बिब् आङिं वा? क्हेमैंइ थेबै न्ह आल। तारे चलाइ सैवाबै नों ङ्योइ नोल् त्हुम्।”

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

प्रस्थान 32:21

च लिउँइँ मोशाइ हारूनने बिइ, “चु म्हिमैंइ क्हिलाइ तो लइ? क्हिइ चुमैंलाइ तले च्हौ थेबै पाप के लबर ल्हैदिब?”

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मत्ती 18:21

झाइले पत्रुस येशू ङाँर खसि “गुरु, ङए अलिइ ङए फिर आछ्याँबै के लब्रें लस्‍याँ कति खे समा चलाइ क्षमा पिंल् त्‍हुम्? ङिब्‍ले समा क्षमा पिंले उ?” बिसि ङ्योएइ।

मत्ती 18:6

“ङए फिर बिश्‍वास लबै छाबै कोलोमैं न्होंर्बै घ्रिलाइ खाबइ ङ ङाँइँले स्‍योवासि पाप लबर ल्हैदिमुँ, च म्हिइ च केए सजैं योंब् भन्दा चए खरिर थेबै ह्रेंदो च्‍योसि मा ङ्युँइर भ्‍योंवाब चए ल्हागिर छ्याँब तम्।

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मत्ती 25:45

“धबै म्रुँइ बिब्मुँ, ‘क्‍ह्रोंसेंन ङ क्हेमैंने बिमुँ, ङए चु अलि-अङाँमैं न्होंर्बै धाँसे च्योंबै म्हिलाइ क्‍हेमैंइ आल्होसेरो क्‍हेमैंइ ङलाइ आल्होब् ग।’

मर्कूस 9:42

येशूजी धबै बिइ, “ङए फिर बिश्‍वास लब्‍मैंए न्‍होंरि खाबइ ङ ङाँइँले म्हि घ्रि फ्रेवामुँ, च केए थेबै सजैं योंब् भन्दा बरु थेबै ह्रेंदो चए खरिर च्‍योसि तालर भ्‍योंवाब च म्‍हिए ल्हागिर छ्याँब तमल।

लूका 17:2

चु च्‍युगुथिरि कोलोमैं धों तबै म्हि घ्रिलाइ पाप के लबर ल्हैदिस्याँ च म्हिइ सजैं योंब् भन्दा चए खरिर ह्रेंदो च्‍योसि मा ङ्युँइर भ्‍योंवाब् चए ल्हागिर छ्याँब तब्मुँ।

रोमी 14:20

चबै सैइ लमा परमेश्‍वरजी लबै केलाइ नास तल् आपिंन्। ताँन् सै चल् तम्, दिलेया ङ्योइ चबै सैइ अरूलाइ पापर च्होवाब आछ्याँबै ताँ ग।

१ कोरिन्थी 12:12

ज्यु घ्रि मुँ, दिलेया चर ल्हें भागमैं तम्, ज्युर ल्हें भाग मुँलेया ज्यु घ्रिन् तम्, च धोंले येशू ख्रीष्‍ट या छाबन् ग।