१ कोरिन्थी 7:9 - परमेश्‍वरए ताँ तमु क्युइर

⁹ दिलेया क्‍हेमैं ब्ह्‍या आलल्‍ले टिमा ह्रोंसए सैं फैल् आखाँस्‍याँ क्हेमैंइ ब्ह्‍या लबन् छ्याँब् तम्। तलेबिस्याँ ज्युर्बै इच्‍छाइ दुःख पिंब् भन्दा क्हेमैंए ल्हागिर ब्ह्‍या लब छ्याँब मुँ।

१ कोरिन्थी 7:9 ပူးပေါင်းရင်းမြစ်များ

चेला चिब्मैंए केमैं 19:36

चु ताँ क्रोंसेंन्बै ग बिसि ताँनइ सेइमुँ। छतसि क्हेमैं च्याँ तल् त्हुम्। च्हैंब-मैंब् आलल्‍ले उतउलो तसि जोस खइरि तोइ के लल् आत।

१ कोरिन्थी 7:2

दिलेया [ङइ छ बिम्:] च्‍हौ ल्हें ब्यभिचार तबइले ताँन् मुँयुँमैंल ह्रों-ह्रोंसल्न प्ह्रेंस्यो मुँल् त्‍हुम्, छलेन ताँन् च्हमिरिमैंलै या ह्रों-ह्रोंसल्न प्युँ मुल् त्‍हुम्।

१ कोरिन्थी 7:28

दिलेया क्‍हिइ ब्ह्‍या ललेया पाप आख, कन्‍ये च्हमिरिइ ब्ह्‍या ललेया च पाप आङिं। दिलेया ब्ह्‍या लब्‍मैंइ त्हिंइ ह्रोंसे न्हुँ लल् त्हुम्। छतसि क्हेमैंइ छले न्हुँ लल् आत्हुरिगे बिब ङए सैं मुँ।

१ कोरिन्थी 7:36

खाबज्यै या ब्ह्‍या लब् बिसि ह्रिथेंबै च्हमिरिने खेंमैं ङ्हिंन् सल्‍ला लसि “दे त्हे ङ्यो ब्ह्‍या आलल्‍ले टिले” बिलेया, लिउँइँ मुँयुँए ब्ह्‍या लबै सैं खस्याँ चमैं ब्ह्‍या लरिगे। छले लबै ब्ह्‍या पाप आङिं।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

१ थेसलोनिकी 4:4

झाइले क्‍हेमैं मुँयुँमैंइ ह्रोंसए ज्यु ह्रोंसए अधीनर थेंसि ह्रोंसए प्‍ह्रेंस्‍यो पइ खमा परमेश्‍वरए उँइँर नेरो म्हिमैंए उँइँर छ्याब आरेल्‍ले टिद्।

१ तिमोथी 5:11

दिलेया ट्च्यु बर्ष न्होंर्बै म्हरेस्योमैंए मिं सेवा लमिंबर आप्ह्रिद्, तलेबिस्याँ चमैं ब्ह्‍या लदा ङ्हाँसि ख्रीष्‍टउँइँले ह्रेंगो तयाम्, धै ब्ह्‍या लबै सैं लम्।

१ तिमोथी 5:14

छतसि बिरोधीमैंइ ङ्योए ताँ लल् आयोंरिगे बिसि टुच्यु बर्ष न्होंर्बै ब्ह्‍या लदा ङ्हाँबै म्हरेस्योमैंइ ब्ह्‍या लरिगे, च्‍ह-चमि फिसि छेनाले धिं नाँ चुसि टिरिगे बिब ङए सैं मुँ।