१ कोरिन्थी 7:6 - परमेश्‍वरए ताँ तमु क्युइर

⁶ क्हेमैंइ ब्ह्‍या ललन् त्हुम् बिसि ङइ कर आल्‍हैदि, दिलेया क्हेमैं ब्ह्‍या लबै सैं मुँस्याँ ललेन् तम्।

१ कोरिन्थी 7:6 ပူးပေါင်းရင်းမြစ်များ

१ कोरिन्थी 7:10

तारे ब्ह्‍या लब्‍मैंने ङइ चु ताँ बिम्। प्ह्रेंस्यो ह्रोंसए प्युँने फ्रेयाल् आत। चु ताँ ङइ मत्‍त्रे बिब आङिं, प्रभु येशूजीन् बिब् ग।

१ कोरिन्थी 7:12

अरूमैंलाज्यै या ङइ चु ताँ बिमुँ। (चु ताँ प्रभु येशूजी बिब आङिं, ङइ बिबै ताँ ग।) येशूए फिर बिश्‍वास लबै मुँयुँल बिश्‍वास आलबै प्ह्रेंस्यो मुँस्‍याँ, च प्ह्रेंस्योइ च मुयुँने अझै टिबै सैं लस्‍याँ च बिश्‍वास लबै मुँयुँइ ह्रोंसए प्ह्रेंस्यो पार लल् आत।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

१ कोरिन्थी 7:40

दिलेया चइ ब्ह्‍या आलल्‍ले टिम् बिस्याँ झन् छ्याँब तम्। चु ङए सैंर्बै ताँ ग, ङने या परमेश्‍वरए प्ल्ह मुँ बिब ङइ मैंमुँ।

२ कोरिन्थी 11:17

(ङइ तोगो बिबै ताँ प्रभुउँइँले बिबै ताँ आङिं, दिलेया थेब् प्‍हैंबै ताँर ङ बुद्धि आरेब्‍मैंइ धोंले पोंरिइमुँ।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।