१ कोरिन्थी 7:34 - परमेश्‍वरए ताँ तमु क्युइर

³⁴ छाबै म्हिए सैं ङ्हिरि तम्। छलेन ब्ह्‍या आलबै च्हमिरिइ अथवा कन्येइ ज्यु नेरो सैं ङ्हिंन-ङ्हिंनइ प्रभुए के खैले लब् ङ्‍हे बिसि प्रभुए केर्न सैं पिंम्। दिलेया ब्ह्‍या लबै च्हमिरिइ ह्रोंसए प्युँए सैं तोंन् लबै ल्हागिर ह्‍युलर्बै सैर न्हुँ लम्।

१ कोरिन्थी 7:34 ပူးပေါင်းရင်းမြစ်များ

यूहन्‍ना 10:13

च मुइ पिंसि थेंबै म्हि मत्‍त्रे ग, छतसि चइ क्युमैं छेनाले आङ्‌ह्‍यो।

रोमी 6:13

छलेन ह्रोंसए ज्युर्बै भागमैंलाइ पाप केमैं लबर आल्हैदिद्। बरु सिबइले धबै सोगों तबै म्‍हि धोंले छ्याँबै के लबै ल्हागिर ह्रोंसलाइन परमेश्‍वरए योर पिंवाँन्।

१ कोरिन्थी 6:20

तलेबिस्याँ खीजी क्‍हेमैं सै फोसि किंब् ग। छतसि ह्रोंसए ज्युज्यै या क्हेमैंइ परमेश्‍वरए मिं थेब् तबै के लद्।

१ कोरिन्थी 7:33

दिलेया ब्ह्‍या लबै म्‍हिइ ह्रोंसए प्ह्रेंस्योए सैं खैले तोंन् लब् ङ्‍हे ङ्हाँसि ह्‍युलर्बै सैर न्हुँ लम्।

१ कोरिन्थी 7:35

क्‍हेमैंइ ब्ह्‍या आलरिगे बिसि ङइ चु ताँ बिब आङिं। क्हेमैं सैं घ्रिन् तसि प्रभुए के छेनाले लसि छ्ह थोल् खाँरिगे धै क्हेमैंलाइन छ्याँब तरिगे बिसि ङइ चु ताँ बिब् ग।

२ कोरिन्थी 11:28

च्हौ मत्‍त्रे आङिं, च भन्दा थेबै दुःख त्हिंइ ह्रोंसे ताँन् क्‍ल्‍ह्‍योर्बै बिश्‍वासीमैंए ल्हागिर ङलाइ न्हुँ मुँ।

२ कोरिन्थी 8:16

परमेश्‍वरलाइ धन्‍यबाद तरिगे, तलेबिस्याँ खीजी तीतसलाइ क्‍हेमैं ल्होमिंबै सैं पिंइमुँ।

फिलिप्पी 1:20

ङए थेबै इच्छा नेरो आशा चु मुँ: ङ खोंयोंइ फापिल् त्हुरिब् आरे। ङ बेल्‍ले भोंसि तब्मुँ, सिल् त्हुलेया, सोल् योंलेया ओंसोंबै धोंले तोगो या ङउँइँले येशू ख्रीष्‍टए मान तरिगे।

१ थेसलोनिकी 5:23

शान्ति पिंबै परमेश्‍वरजी ताँन् सैर क्‍हेमैंलाइ पबित्र लमिंरिगे, धै ङ्योए प्रभु येशू युबै त्हेर क्हेमैंए ज्यु, सैं, खों, बेल्‍ले छ्याँब नेरो खोट आरेब तरिगे।

१ तिमोथी 3:5

तलेबिस्याँ खाबज्यै या ह्रोंसए धिंर्बै परवामैं खागु लल् आखाँ बिस्‍याँ, झन् परमेश्‍वरए फिर बिश्‍वास लब्मैंलाइ खैले खागु लल् खाँमुँ?

१ तिमोथी 5:5

दिलेया खाबै आरेबै म्हरेस्योमैंइ परमेश्‍वरर मत्‍त्रे आशा थेंम्, धै खीलाइ ल्होमिंन् बिसि त्‍हिंयाँ म्‍हुँइँस परमेश्‍वरने प्राथना लरिम्।

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।