१ कोरिन्थी 7:33 - परमेश्‍वरए ताँ तमु क्युइर

³³ दिलेया ब्ह्‍या लबै म्‍हिइ ह्रोंसए प्ह्रेंस्योए सैं खैले तोंन् लब् ङ्‍हे ङ्हाँसि ह्‍युलर्बै सैर न्हुँ लम्।

१ कोरिन्थी 7:33 ပူးပေါင်းရင်းမြစ်များ

लूका 12:22

येशूजी ह्रोंसए चेलामैंने बिइ, “छतसि ङ क्‍हेमैंने बिमुँ, सोबै ल्हागिर ‘ङ तो चब् ङ्‍हे? तो थुँब् ङ्‍हे? धै ज्युए ल्हागिर तो खिब् ङ्‍हे?’ बिसि न्हुँ आलद्।

लूका 14:20

छलेन अर्कोज्यै या ‘ङल भर्खर ब्ह्‍या लइमुँ, छतसि ङ खल् आयों,’ बिइ।

यूहन्‍ना 10:13

च मुइ पिंसि थेंबै म्हि मत्‍त्रे ग, छतसि चइ क्युमैं छेनाले आङ्‌ह्‍यो।

१ कोरिन्थी 7:3

प्युँइ ह्रोंसए प्ह्रेंस्योए ल्हागिर लल् त्‍हुबै केमैं लरिगे, छलेन प्ह्रेंस्योज्यै या प्युँए ल्हागिर लल् त्‍हुबै केमैं लरिगे।

१ कोरिन्थी 7:32

क्‍हेमैं चु ह्‍युलर टिमा तोइ न्हुँ लल् आत्हुरिगे बिब ङए सैं मुँ। ब्ह्‍या आलबै म्‍हिइ प्रभुलाइ खैले सैं तोंन् लब् ङ्‍हे ङ्हाँसि प्रभुए केर मत्‍त्रे न्हुँ लम्।

१ कोरिन्थी 7:34

छाबै म्हिए सैं ङ्हिरि तम्। छलेन ब्ह्‍या आलबै च्हमिरिइ अथवा कन्येइ ज्यु नेरो सैं ङ्हिंन-ङ्हिंनइ प्रभुए के खैले लब् ङ्‍हे बिसि प्रभुए केर्न सैं पिंम्। दिलेया ब्ह्‍या लबै च्हमिरिइ ह्रोंसए प्युँए सैं तोंन् लबै ल्हागिर ह्‍युलर्बै सैर न्हुँ लम्।

कलस्सी 3:19

ओ मुँयुँमैं, क्‍हेमैंए प्‍ह्रेंस्‍योलाइ म्हाँया लद्, चमैंए फिर सैं सार् आप्‍ह्‍याद्।

१ तिमोथी 5:8

खाबज्यै या ह्रोंसए म्हिमैं नेरो बिलन् त्हुमा ह्रोंसए परवालाइ छेनाले आङ्ह्‍यो बिस्‍याँ, चइ लबै बिश्‍वास स्योलिबै ग। च बिश्‍वास आलब्‍मैं भन्दा आछ्याँबै के लबै म्हि तम्।

१ पत्रुस 3:7

छलेन ओ मुँयुँमैं, ह्रोंसए प्ह्रेंस्योने बालु सैं क्ह्रिसि टिद्। क्‍हेमैं भन्दा चमैं आभोंब् मुँ बिब् सेसि ताँन् सैर चमैंलाइ मान लद्, तलेबिस्याँ परमेश्‍वरजी पिंबै छ्ह क्‍हेमैं ङ्हिंना-ङ्हिंनइ योंबै हग बराबर मुँ। क्‍हेमैंए प्राथनार बाधा आखरिगे बिसि ह्रोंसए प्ह्रेंस्योने छेनाले क्‍ह्रिसि टिद्।