१ कोरिन्थी 7:25 - परमेश्‍वरए ताँ तमु क्युइर

²⁵ तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

१ कोरिन्थी 7:25 ပူးပေါင်းရင်းမြစ်များ

भजनमैं 78:63

चमैंए फ्रेंसिमैं ताँन् मिइ ख्रोंवाइ, छतमा चमैंए च्हमिमैंए ल्हागिर ब्ह्‍या लब खाबै आयों।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 4:2

परमेश्‍वरए छाबै के लब्मैं ताँनइ भर लल् खाँब्मैं तल् त्हुम्।

१ कोरिन्थी 7:10

तारे ब्ह्‍या लब्‍मैंने ङइ चु ताँ बिम्। प्ह्रेंस्यो ह्रोंसए प्युँने फ्रेयाल् आत। चु ताँ ङइ मत्‍त्रे बिब आङिं, प्रभु येशूजीन् बिब् ग।

१ कोरिन्थी 7:12

अरूमैंलाज्यै या ङइ चु ताँ बिमुँ। (चु ताँ प्रभु येशूजी बिब आङिं, ङइ बिबै ताँ ग।) येशूए फिर बिश्‍वास लबै मुँयुँल बिश्‍वास आलबै प्ह्रेंस्यो मुँस्‍याँ, च प्ह्रेंस्योइ च मुयुँने अझै टिबै सैं लस्‍याँ च बिश्‍वास लबै मुँयुँइ ह्रोंसए प्ह्रेंस्यो पार लल् आत।

१ कोरिन्थी 7:28

दिलेया क्‍हिइ ब्ह्‍या ललेया पाप आख, कन्‍ये च्हमिरिइ ब्ह्‍या ललेया च पाप आङिं। दिलेया ब्ह्‍या लब्‍मैंइ त्हिंइ ह्रोंसे न्हुँ लल् त्हुम्। छतसि क्हेमैंइ छले न्हुँ लल् आत्हुरिगे बिब ङए सैं मुँ।

१ कोरिन्थी 7:34

छाबै म्हिए सैं ङ्हिरि तम्। छलेन ब्ह्‍या आलबै च्हमिरिइ अथवा कन्येइ ज्यु नेरो सैं ङ्हिंन-ङ्हिंनइ प्रभुए के खैले लब् ङ्‍हे बिसि प्रभुए केर्न सैं पिंम्। दिलेया ब्ह्‍या लबै च्हमिरिइ ह्रोंसए प्युँए सैं तोंन् लबै ल्हागिर ह्‍युलर्बै सैर न्हुँ लम्।

१ कोरिन्थी 7:40

दिलेया चइ ब्ह्‍या आलल्‍ले टिम् बिस्याँ झन् छ्याँब तम्। चु ङए सैंर्बै ताँ ग, ङने या परमेश्‍वरए प्ल्ह मुँ बिब ङइ मैंमुँ।

१ कोरिन्थी 7:6

क्हेमैंइ ब्ह्‍या ललन् त्हुम् बिसि ङइ कर आल्‍हैदि, दिलेया क्हेमैं ब्ह्‍या लबै सैं मुँस्याँ ललेन् तम्।

२ कोरिन्थी 11:17

(ङइ तोगो बिबै ताँ प्रभुउँइँले बिबै ताँ आङिं, दिलेया थेब् प्‍हैंबै ताँर ङ बुद्धि आरेब्‍मैंइ धोंले पोंरिइमुँ।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।