१ कोरिन्थी 7:2 - परमेश्‍वरए ताँ तमु क्युइर

² दिलेया [ङइ छ बिम्:] च्‍हौ ल्हें ब्यभिचार तबइले ताँन् मुँयुँमैंल ह्रों-ह्रोंसल्न प्ह्रेंस्यो मुँल् त्‍हुम्, छलेन ताँन् च्हमिरिमैंलै या ह्रों-ह्रोंसल्न प्युँ मुल् त्‍हुम्।

१ कोरिन्थी 7:2 ပူးပေါင်းရင်းမြစ်များ

हितोपदेश 18:22

प्ह्रेंस्यो योंबै म्हिइ छ्याँब सै योंम् धै चइ याहवेहउँइँले दयाम्हाँया योंम्।

हितोपदेश 19:14

धिं नेरो सै न्होरमैं आबाउँइँले खम्, दिलेया च्हैंब् मैंब् लल् खाँबै प्ह्रेंस्यो बिस्याँ याहवेहउँइँले खम्।

मत्ती 5:32

दिलेया ङइ क्‍हेमैंने तो बिम् बिस्‍याँ खाबइ ह्रोंसए प्‍ह्रेंस्‍यो अरू म्‍हिने फ्रें आक्ल्‍‍योंलेया च प्‍ह्रेंस्‍यो पार लम् बिस्याँ च प्‍ह्रेंस्‍योइ धबै ब्ह्‍‍या लमा च म्हिइ ह्रोंसए प्‍ह्रेंस्‍यो ब्यभिचार लल् पिंम्। धै च वाबै प्ह्रेंस्योने ब्ह्‍या लबै मुयुँज्यै या ब्यभिचार लम्।

१ कोरिन्थी 6:18

ब्यभिचार आलद्। अरू पाप लइ बिस्याँ ज्युलाइ नोक्सन् आल, दिलेया ब्यभिचार लइबिस्‍याँ ह्रोंसए ज्युलाइन नोक्सन् लम्।

१ कोरिन्थी 7:1

क्‍हेमैंइ प्‍ह्रिबै प्ह्रिछ्यार्बै ताँमैंए ज्वाफ ङइ चु प्ह्रिछ्यार प्‍ह्रिइमुँ। “म्हिइ ब्ह्‍या आलल्‍ले टिब छ्याँब ग” बिसि क्हेमैंइ प्ह्रिइ।

१ कोरिन्थी 7:3

प्युँइ ह्रोंसए प्ह्रेंस्योए ल्हागिर लल् त्‍हुबै केमैं लरिगे, छलेन प्ह्रेंस्योज्यै या प्युँए ल्हागिर लल् त्‍हुबै केमैं लरिगे।

१ कोरिन्थी 7:9

दिलेया क्‍हेमैं ब्ह्‍या आलल्‍ले टिमा ह्रोंसए सैं फैल् आखाँस्‍याँ क्हेमैंइ ब्ह्‍या लबन् छ्याँब् तम्। तलेबिस्याँ ज्युर्बै इच्‍छाइ दुःख पिंब् भन्दा क्हेमैंए ल्हागिर ब्ह्‍या लब छ्याँब मुँ।

एफिसी 5:28

छलेन मुँयुँमैंज्यै या ह्रोंसए ज्युलाइ म्हाँया लब् धोंले ह्रोंसए प्‍ह्रेंस्‍योलाइ म्हाँया लल् त्‍हुम्, तलेबिस्याँ खाबइ ह्रोंसए प्‍ह्रेंस्‍योलाइ म्हाँया लमुँ, चइ ह्रोंसलाइन म्हाँया लम्।

एफिसी 5:33

तो मुलेया क्‍हेमैं ताँन् ह्रोंसलाइ धोंलेन् मुँयुँमैंइ ह्रोंसए प्‍ह्रेंस्‍योलाइ म्हाँया लल् त्‍हुम्, छलेन प्ह्रेंस्योमैंज्यै या ह्रोंसए प्‍युँलाइ मान लल् त्‍हुम्।

१ थेसलोनिकी 4:4

झाइले क्‍हेमैं मुँयुँमैंइ ह्रोंसए ज्यु ह्रोंसए अधीनर थेंसि ह्रोंसए प्‍ह्रेंस्‍यो पइ खमा परमेश्‍वरए उँइँर नेरो म्हिमैंए उँइँर छ्याब आरेल्‍ले टिद्।

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।