१ कोरिन्थी 7:19 - परमेश्‍वरए ताँ तमु क्युइर

¹⁹ तलेबिस्याँ ज्युर चिनु लबै ताँ थेब आङिं। बरु परमेश्‍वरजी बिबै ताँ ङिंब थेबै ताँ ग।

१ कोरिन्थी 7:19 ပူးပေါင်းရင်းမြစ်များ

मत्ती 5:19

छतसि ठिमर प्ह्रिबै च्‍योंब भन्दा च्‍योंबै ताँ या आम्हाँदिसि अरूमैंने या ‘च ताँ ङिंल् आत्‍हु’ बिसि लोमिंबै म्हि स्वर्गए ग्याल्सरि च्‍योंब भन्दा च्‍योंब तब्‍मुँ। दिलेया ठिमर्बै ताँ ह्रोंसज्यै ङिंब धै अरूमैंने या ङिंल् त्‍हुम् बिसि लोमिंबै म्‍हि स्वर्गए ग्याल्सरि थेब तब्‍मुँ।

यूहन्‍ना 15:14

ङइ बिबै ताँमैं क्हेमैंइ लइ बिस्याँ क्हेमैं ङए खोबै थुमैं तब्मुँ।

रोमी 3:30

तलेबिस्याँ परमेश्‍वर घ्रि मत्‍त्रे मुँ। छतसि ज्युर चिनु लबै यहूदी मुँलेया, ज्युर चिनु आलबै अरू ह्रेंमैं मुँलेया, ताँन् म्‍हिमैंइ येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम्।

१ कोरिन्थी 8:8

दिलेया चबै सैइ ङ्यो परमेश्‍वरए ङाँर बोल् आखाँ। कुर चडेबै सै चलैया आचलैया ङ्योलाइ नोक्‍सानै आत, फायदै आत।

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 6:15

छतसि ज्युर चिनु ललेया आललेया तोइ आत, बरु छारा छ्ह योंसि छारा म्‍हि तब ताँन् भन्दा थेबै ताँ ग।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

दर्शन 22:14

खोंयोंइ आखाँबै छ्ह पिंबै सिंधुँउँइँले रोमैं चल् योंसि सहरर्बै म्रामैंउँइँले होंल् योंरिगे बिसि ह्रोंसए क्‍वें ख्रुब्‍मैं ङ्‍हो सब्मैं ग।